27.11.2024 | 22:49
Երևանի քաղաքապետն այցելել է Լոս Անջելեսի տրանսպորտի կառավարման կենտրոն
Ճապոնացին սպանել է Twitter-ում ինքնասպանության մասին գրողներին․ նա մահապատժի է դատապարտվել
Քաղաքականություն
15.12.2020 | 18:04
Ճապոնիայում ինը մարդու սպանության համար Twitter killer անունը ստացած Տակահիրո Շիրաիշին դատապարտվել է մահապատժի: Նրա փաստաբանները ավելի մեղմ պատիժ էին պահանջում՝ պնդելով, որ դատապարտյալը կատարել է իր զոհերի ցանկությունը, գրում է BBC-ի ռուսական ծառայությունը:
30-ամյա Շիրաիշին մեղավոր է ճանաչվել Տոկիոյից ոչ հեռու գտնվող իր բնակարանում 9 մարդու սպանության, մարմինների մասնատման ու պահպանման մեջ, գրում է Kyodo-ն։
Դատական նիստերի ժամանակ տարաձայնությունների հիմնական առարկան եղել է հարցը՝ արդյո՞ք իր զոհերին Շիրիաիշին սպանել է իրենց համաձայնությամբ, թե՞ ոչ։
Twitter-ի իր միկրոբոգում Շիրաիշին գրել է․ «Ես ցանկանում եմ օգնել մարդկանց, ովքեր իսկապես տանջվում են։ Խնդրեմ, գրեք ինձ ցանկացած ժամի»։
Ճապոնիայի ոստիկանությունը պարզել է, որ միկրոբլոգի հեղինակը նամակագրական կապի մեջ է եղել երիտասարդ աղջիկների հետ, որոնց մոտ կարող էին առաջանալ ինքնասպանության մասին մտքեր, և նրանց առաջարկել է «օգնել»։
Տաթև Ֆռանգյան
