20.05.2026 | 18:10
Ծառուկյանը պնդում է՝ «Արարատցեմենտն» օրինական է մասնավորեցրել // Վիզաների ազատականացումն ավելի մոտ է․ ԼՈՒՐԵՐ
Արթուր Վանեցյանը չի կալանավորվի․ Վերաքննիչ դատարանը մերժել է դատախազության բողոքը
Հասարակություն
09.12.2020 | 16:41
Վերաքննիչ քրեական դատարանը, դատավոր Ռուբիկ Մխիթարյանի նախագահությամբ, մերժել է «Հայրենիք» կուսակցության նախագահ, ԱԱԾ նախկին տնօրեն Արթուր Վանեցյանի նկատմամբ կալանավորումը որպես խափանման միջոց ընտրելու մասին միջնորդությունը մերժելու որոշման դեմ Գլխավոր դատախազության բողոքը։ Այս մասին Factor.am-ին փոխանցեց Արթուր Վանեցյանի փաստաբան Երվանդ Վարոսյանը։
Նրա խոսքով՝ դատարանի որոշումը դեռ չի ստացել, բայց համոզված է, որ Վերաքննիչ դատարանը ևս հերքված է համարել հիմնավոր կասկածի առկայությունը։
Հիշեցնենք՝ Արթուր Վանեցյանին, Վահրամ Բաղդասարյանին, Աշոտ Ավագյանին, Աշոտ Մինասյանին մեղադրանք էր առաջադրվել իշխանության յուրացման, Փաշինյանի ենթադրյալ սպանության նախապատրաստման, ապօրինի զենք-զինամթերք պահելու համար։ Նրանց կալանավորելու միջնորդություններ էին ներկայացվել դատարաններ, որոնք մերժվել են։
Դատախազությունն այդ որոշումների դեմ վերաքննիչ բողոքներ է ներկայացրել՝ պահանջելով կալանավորել բոլոր 4 մեղադրյալներին։
Իրինա Մկրտչյան
