27.08.2026 | 23:19
Ծանրամարտի Հայաստանի պատանեկան հավաքականը երկրորդ տարին անընդմեջ լավագույնն է Եվրոպայի առաջնությունում
Իրանը պատրաստվում է Բայդենի նախագահության օրոք ավելացնել նավթի արտահանման ծավալները․ Bloomberg
Քաղաքականություն
07.12.2020 | 12:30
Իրանը պատրաստվում է ավելացնել նավթի արդյունահանման ծավալները ՝ հուսալով , որ Ջո Բայդենի նախագահության օրոք ԱՄՆ-ը կթուլացնի պատժամիջոցները։
Թեհրանը նախապատրաստում է իր ռեսուրսներն ու նավթարդյունահանման համար նախատեսված սարքավորումները հաջորդ 3 ամիսների ընթացքում նավթի արդյունահանման ու արտահանման համար։ Այս մասին, ինչպես հայտնում է Bloomberg-ը, ասվում է Իրանի նախագահ Հասան Ռոուհանիի պաշտոնական կայքէջում։
Ռոուհանին հայտարարել է, որ 2015 թվականին ԱՄՆ-ի ու եվրոպական երկրների միջև կնքված միջուկային պայմանագրից հետո Իրանը ի վիճակի էր բարձրացնել նավթի արտահանումը օրական մինչև 2 միլիոն բարելի չափով։
«Մենք պատրաստ ենք արագորեն ավելացնել նավթի արդյունահանումը»,- հայտարարել է նա։
Բայդենը, ում երդմնակալությունը տեղի է ունենալու հունվարի 20-ին, ազդարարել էր, որ ցանկանում է Իրանին վերադարձնել այն համաձայնագիրը, որը կնքվել էր Բարաք Օբամայի օրոք իր փոխնախագահության ժամանակ, բայց որից ԱՄՆ-ը դուրս էր եկել 2018 թվականին:
Տաթև Ֆռանգյան
