01.04.2026 | 23:17
ԵՄ առաքելության գործունեությունը կարևոր է Հայաստանի քաղաքացիների համար. ՀՀ նախագահն ընդունել է Սատու Կոյվուին
ՌԴ ՊՆ-ն հստակեցրել է ԼՂ-ում խաղաղապահների դիտորդական կետերի դիրքերն ու կազմը․ ՌԻԱ Նովոստի
Քաղաքականություն
18.11.2020 | 16:55
ՌԴ Պաշտպանության նախարարությունը հստակեցրել է Լեռնային Ղարաբաղում խաղաղապահների դիտորդական կետերի դիրքերն ու կազմը։ Ընդհանուր առմամբ՝ 23 դիրք կա։ Այս մասին ճեպազրույցի ժամանակ հայտնել է ՌԴ ՊՆ պաշտոնական ներկայացուցիչ Իգոր Կոնաշենկովը, փոխանցում է ՌԻԱ Նովոստին։
«Հաշվի առնելով առկա իրավիճակը՝ ռուսական զորամիավորման հրամանատարությունը հստակեցրել է դիտակետերի դիրքն ու կազմը: Խաղաղապահ գործողության տարածքում 23 դիտակետերում խաղաղապահ ստորաբաժանումների կողմից իրականացվում է իրավիճակի շուրջօրյա հսկում և հրադադարի ռեժիմի պահպանման վերահսկողություն: Հյուսիսային պատասխանատվության գոտում ստեղծվել է 11 դիտակետ, իսկ 12-ը՝ հարավային գոտում»,- հայտարարել է նա:
Հիշեցնենք՝ ավելի վաղ հաղորդվում էր, որ խաղաղապահները պատասխանատվության հարավային գոտում վերահսկումն իրականացնում են 9 դիտակետերում, ևս 9 դիտակետ կա հյուսիսային պատասխանատվության գոտում, Լաչինի միջանցքում էլ կա 7 ժամանակավոր դիտակետ, որոնք ապահովում են խաղաղապահ ստորաբաժանումների ռազմական շարասյուների անցումը:
Տաթև Ֆռանգյան
