18.11.2024 | 18:51
Արգիշտի Քյարամյանը աշխատանքային վերջին խորհրդակցությունն է անցկացրել
Ավարտվել է ԼՂ-ում ռուսական խաղաղապահ ուժերի դիտակետերի տեղակայումը․ ՌԴ ՊՆ
Քաղաքականություն
16.11.2020 | 17:36
Հրադադարի ռեժիմը պահպանվում է Լեռնային Ղարաբաղի շփման գծի ամբողջ երկայնքով: Այս մասին ճեպազրույցի ժամանակ հայտարարել է ՌԴ ՊՆ խոսնակ, գեներալ-մայոր Իգոր Կոնաշենկովը, գրում է ՌԻԱ Նովոստին:
«Շփման գծի երկայնքով իրականացվող խաղաղապահ գործողության տարածքներում ավարտվել է Ռուսաստանի խաղաղապահ ուժերի դիտակետերի տեղակայումը, որոնք շուրջօրյա վերահսկում են իրավիճակը»,- հայտնել է նա:
Ռուս գեներալի խոսքով՝ խաղաղապահները պատասխանատվության հարավային գոտում վերահսկումն իրականացնում են 9 դիտակետերում, ևս ինը դիտակետ կա հյուսիսային պատասխանատվության գոտում, Լաչինի միջանցքում էլ կա յոթ ժամանակավոր դիտակետ, որոնք ապահովում են խաղաղապահ ստորաբաժանումների ռազմական շարասյուների անցումը:
«Հրադադարը պահպանվում է շփման գծի ամբողջ երկայնքով»,- շեշտել է Կոնաշենկովը:
Տաթև Ֆռանգյան
