Քաղաքականություն
02.11.2020 | 18:18Factor.am-ի հարցազրույցը «Հանրապետություն» կուսակցության նախագահ Արամ Սարգսյանի հետ
-ՀՀ վարչապետ Նիկոլ Փաշինյանը դիմեց ՌԴ նախագահ Վլադիմիր Պուտինին՝ ռազմական փոխօգնության շուրջ անհապաղ խորհրդակցություններ սկսելու համար, որպեսզի սահմանվեն օգնության չափն ու տեսակները։ Ըստ Ձեզ՝ արդյո՞ք անհրաժեշտ էր ՀՀ վարչապետի դիմումը ՌԴ նախագահին, ի՞նչ գործընթաց է սկսվում։
-Մենք այսօր ունենք երկու ճակատ և թիկունք, մեկը ռազմաճակատն է իր զինվորով, մյուսը՝ արտաքին քաղաքականը, դիվանագիտականն է՝ Արտգործնախարարությամբ։ Էս երկու ճակատները համազոր կարևոր են էսօրվա պարագայում՝ Զոհրաբ Մնացականյանի թիկունքը Տոնոյանն է, Դավիթ Տոնոյանի թիկունքը Մնացականյանն է, իսկ էն մարդիկ, ովքեր ստեղ են՝ քաղաքական են, թե տնտեսական են, նրանց համար մեկ խնդիրն է այդ երկու ճակատներին օգնել, ոչ թե իրար դեմ ինչ-որ բաներ գտնել, ինչ-որ բաներ հիշեցնել։ Այն, ինչ ներքին առումով մենք ասում ենք, դա ոչ միայն թշնամուն է ուրախացնում, այլև խրամատում նստած զինվորը մտածում է՝ սրանք էլի սկսեցին իրար ուտել։ Սրանք շատ կարևոր բաներ են։ Ինչ վերաբերվում է Նիկոլ Փաշինյանի գրած նամակին, ապա պետք է ասեմ՝ միանշանակ էն կարծիքին եմ, որ Նիկոլ Փաշինյանը առավոտ քնից չի արթնացել ու ասել կանգնի, մի հատ սուրճ խմեմ ու Պուտինին նամակ գրեմ։ Ամբողջ օրը, Պուտինն էլ խոստովանեց՝ օրը մի քանի անգամ խոսում են։ Նույնիսկ եթե արթնացել է, ասել է՝ խոսելը խոսել ենք, բայց գրավոր էլ ունենանք, դա էլ ճիշտ է։ Ուղղակի համոզված եմ, որ դա համատեղ համաձայնեցված քայլ էր։ Էսօրվա պարագայում ես բացառում եմ, որ Հայաստանի որևէ իշխանություն փորձի փաստի առաջ կանգնեցնել ռուսական իշխանություններին։
Մանրամասները՝ տեսանյութում:
Ռոբերտ Անանյան
