18.11.2024 | 23:35
ԵՄ-ն ծրագրում է «քաղաքական առաքելություն» ուղարկել Վրաստան. Բորել
Մենք պետք է միջազգային կազմակերպությունների վրա ճնշումը մեծացնենք. Լուսինե Խառատյան. ՏԵՍԱՆՅՈՒԹ
Հասարակություն
23.10.2020 | 11:19
Միջազգային կառույցները, որոնք կոչված են պաշտպանելու համամարդկային արժեքները, մարդու իրավունքները, այս պահին հայտարարություններից բացի՝ ոչինչ չեն անում: «Հումանիտար աղետ․արցախցիների կրթության իրավունքի ոտնահարումը» թեմայով քննարկման ժամանակ այս մասին ասաց Կրթական քաղաքացիական նախաձեռնության անդամ, ազգագրագետ Լուսինե Խառատյանը:
«Միջազգային կառույցները չեն փորձում հանդես գալ իրենց կողմից իսկ հռչակված իրավունքների պաշտպանությամբ և գործուն քայլեր չեն ձեռնարկում… Հայաստանի ՀԿ-ների և հանրության ճնշման արդյունքում «Յունիսեֆի» հայաստանյան գրասենյակն ընդամենը զգուշավոր հայտարարարություն տարածեց և ոչ ավելին: Չենք տեսնում ցանկություն գործուն մեխանիզմներով ներգրավվելու այս խնդրում:
Մենք արդեն դասեր ենք քաղել, հասկացել ենք, որ միջազգային կառույցներն այս պահին ոչինչ չեն անում, բայց չպետք է թևաթափ լինենք, այլ պետք է շարունակենք շատ ավելի ուժեղ ճնշում գործադրել և ստիպել, որ միջազգային կառույցների հայաստանյան ներկայացուցիչները գնան և տեղում ծանոթանան խնդիրներին, փաստագրեն, մոնիթորինգ իրականացնեն, կատարեն իրենց պարտավորությունները և տեր կանգնեն իրենց իսկ հռչակած արժեքներին»,- նշեց Խառատյանը:
Մանրամասները՝ տեսանյութում:
