15.10.2026 | 00:05
NATO-ի նավատորմին ծառայություններ մատուցող ընկերությունը կասկածվում է 1 միլիոն եվրոյի խարդախության մեջ
Եվրամիությունը որևէ արգելք չի սահմանել Արցախում տնտեսական գործունեություն ծավալելու համար. Արցախի ԱԳՆ
19.12.2017 | 18:20
Ադրբեջանական լրատվամիջոցները վերջերս տեղեկություն են տարածել, թե իբրև ԵՄ հանձնաժողովի առևտրի գլխավոր տնօրինությունը զգուշացում է տարածել առ այն, որ Արցախում տնտեսական գործունեություն իրականացնող ԵՄ ընկերությունները պատասխանատվության կենթարկվեն։
Այս առթիվ, ի պատասխան «Արցախպրես»-ի հարցադրմանը, ԱՀ արտաքին գործերի նախարարությունից հայտնել են, որ հերթական անգամ ականատես ենք լինում ադրբեջանական կողմի՝ իրականությունը խեղաթյուրելու անհաջող փորձին։
«Եվրահանձնաժողովի համապատասխան ստորաբաժանումն իր կայքէջում տեղադրված հրապարակմամբ պարզապես տեղեկացնում է Արցախում տնտեսական գործունեություն ծավալելու վերաբերյալ Ադրբեջանի դիրքորոշման մասին։
Այն չի ներկայացնում հարցի առնչությամբ ԵՄ դիրքորոշումը: Եվրամիությունը որևէ արգելք չի սահմանել ընկերությունների նկատմամբ Արցախում տնտեսական գործունեություն ծավալելու հարցում»,- ասված է ԱՀ ԱԳՆ պատասխանի մեջ։
