24.04.2026 | 23:32
Կապանում ջրանջատում կլինի
Չպետք է մոռանանք, որ ունենք այստեղ ներքին թշնամի՝ կորոնավիրուսը․ ԱՆ ներկայացուցիչ. ՏԵՍԱՆՅՈՒԹ
13.10.2020 | 22:22
Վերջին շրջանում նկատվում է կորոնավիրուսային հիվանդացության դեպքերի աճ: Այսօր հրավիրված ասուլիսում այս մասին ասաց ՀՀ ԱՆ Հիվանդությունների վերահսկման և կանխարգելման ազգային կենտրոնի ներհիվանդանոցային վարակների համաճարակաբանության բաժին պետ Ռոմելլա Աբովյանը:
«Պետք է նշեմ, որ վերջին 14 օրվա ընթացքում այդ աճը հասնում է գրեթե 113 տոկոսի: Բոլորիս պատճառները պարզ են: Ելնելով ռազմական դրությունից՝ մեր բնակչության ուշադրությունը սևեռվել է դեպի արտաքին թշնամին, սակայն չպետք է մոռանանք, որ ունենք անտեսանելի թշնամի, որն ուղղակիորեն մեր թիկունքը թուլացնում է: Պարզ է, որ հակահամաճարակային կանոնները չպահպանելու արդյունքում է այս ցուցանիշների գրանցումը»,- ասաց Աբովյանը:
Համաճարակաբանը հորդորեց պահպանել երեք պարզ կանոն՝ կրել դիմակ, ախտահանել ձեռքերը և պահպանել սոցիալական հեռավորություն:
Մանրամասները՝ տեսանյութում։
