28.11.2024 | 16:39
Հայաստանի և Ադրբեջանի միջև անդրսահմանային գետերի ջրերի կառավարման ոլորտում պաշտոնական համագործակցություն առկա չէ․ ՇՄՆ
ԼՂ հակամարտության շուրջ բանակցությունները՝ ՌԴ-ի ու ԱՄՆ-ի միջև համագործակցության վառ օրինակ
Քաղաքականություն
08.10.2020 | 10:54
ԵԱՀԿ Մինսկի խմբի համանախագահների՝ Լեռնային Ղարաբաղի շուրջ բանակցությունները Ռուսաստանի ու ԱՄՆ-ի միջև համագործակցության օրինակ են։ Նման հայտարարությամբ է հանդես եկել ազգային անվտանգության հարցերով ԱՄՆ նախագահի օգնական Ռոբերտ Օ՛բրայենը ՝ ելույթ ունենալով Լաս Վեգասի համալսարանի ուսանողների առջև, գրում է ՏԱՍՍ-ը։
«ԱՄՆ-ի ու Ռուսաստանի միջև հիմնարար տարբերություններ են դիտարկվում։ Սակայն անգամ սա հաշվի առնելով՝ կան ոլորտներ, որտեղ մենք կարող ենք Ռուսաստանի հետ համատեղ աշխատել»,- նշել է նա։ «Կա՛ն նման ոլորտներ, օրինակ՝ Հայաստանի ու Ադրբեջանի միջև հակամարտությունը։ Այնտեղ մենք մի տեսակետ ունենք՝ համանախագահելով Մինսկի խմբում ու փորձելով խաղաղություն բերել Կովկասում»,- ընդգծել է նա։ Օ՛Բրայենը նաև նշել է, որ ԱՄՆ-ն ու Ռուսաստանը ահաբեկչության դեմ պայքարի հարցում համագործակցության լայն հնարավորություններ ունեն։
ԱՄՆ նախագահի օգնականը հավելել է, որ Վաշինգտոնը նաև շահագրգռված է սպառազինությունների վերահսկման հարցում Մոսկվայի հետ համագործակցությանը։
Տաթև Ֆռանգյան
