18.11.2024 | 18:51
Արգիշտի Քյարամյանը աշխատանքային վերջին խորհրդակցությունն է անցկացրել
Արայիկ Հարությունյանն ասում է՝ հեղափոխություն արած տղա եմ, ձեր ջանքերն իզուր են. Մարուքյան. ՏԵՍԱՆՅՈՒԹ
Քաղաքականություն
16.09.2020 | 16:37
Ազգային ժողովի դիմաց շարունակվում է ԿԳՄՍ նախարար Արայիկ Հարությունյանի հրաժարականի պահանջով բողոքի ակցիան, որը կազմակերպել է «Լուսավոր Հայաստան»-ը։
«Հեղափոխական իշխանությունը պաշտպանում է կրթության նախարարին, բայց մենք կարծում ենք, որ Արայիկ Հարությունյանն ամենաշատ խնդիր առաջացրած նախարարն է, ու նա պետք է հեռանա»,- լրագրողների հետ զրույցում ասաց «Լուսավոր Հայաստան» խմբակցության ղեկավար Էդմոն Մարուքյանը։
Նա ընդգծեց՝ Արայիկ Հարությունյանն այլևս անելիք չունի, ու նա կանգնած է ՀՀ կրթության զարգացման ճանապարհին։ ԼՀԿ ղեկավարը նշեց՝ Արայիկ Հարությունյանի այսօրվա ասուլիսից ստացել է տպավորություն, թե՝ «ես հեղափոխություն արած տղա եմ, իզուր են ձեր ջանքերը»։
Մարուքյանն ասաց՝ մշակույթը, երիտասարդությունը, սպորտը ճահճի մեջ թաղված է։
Մանրամասները՝ տեսանյութում:
