29.09.2026 | 23:23
«Դեֆանս Հաուզինգ»-ը պարզաբանել է թաղամասում երեք մարդու մահվան դեպքի հանգամանքները
Աջակցություն՝ սահմանամերձ համայնքի բնակիչներին․ հաշմանդամություն ստացած քաղաքացիներին կտրամադրվի 1-3 մլն դրամ․ ՏԵՍԱՆՅՈՒԹ
Հասարակություն
27.08.2020 | 12:04
Կառավարության այսօրվա նիստում հավանության արժանացավ ԱԺ «Իմ քայլը» խմբակցության պատգամավորներ Սիսակ Գաբրիելյանի և Սիփան Փաշինյանի «Սահմանամերձ համայնքների սոցիալական աջակցության մասին» օրենքում փոփոխություն և լրացումներ կատարելու մասին օրենքի նախագիծը։ Այն ներկայացրեց Տարածքային կառավարման և ենթակառուցվածքների փոխնախարար Վաչե Տերտերյանը։
Փոփոխություններով առաջարկվում է ևս 3 տարով երկարաձգել սահմանամերձ համայնքների արտոնությունները: Այն է՝ պետությունը 36 բնակավայրի համար 50 տոկոսի չափով փոխհատուցի սպառած էլեկտրաէներգիայի, բնական գազի, ոռոգման ջրի վճարները: Միանվագ փոխհատուցում կտրամադրվի սահմանամերձ համայնքներում ռազմական գործողություններից տուժած քաղաքացիներին:
«Առաջին կարգի հաշմանդամության պարագայում՝ 3 միլիոն, երկրորդի դեպքում՝ 2 միլիոն դրամ և 1 միլիոն՝ երրորդ կարգի հաշմանդամություն ստանալու պարագայում: Զոհված քաղաքացիների ընտանիքներին կտրամադրվի 5 միլիոն դրամ»,- ասաց Տերտերյանը:
Մանրամասները՝ տեսանյութում։
