02.11.2024 | 10:07
ՀՀ տարածքում ավտոճանապարհներն անցանելի են
ՀՀ-ում պաշտոնական լեզուն հայերենն է, և ՍԴ-ն պարտավոր է տրամադրել ՄԻԵԴ-ի և ՎՀ-ի մասով հայերեն նյութերը. Արարատ Միրզոյան. ՏԵՍԱՆՅՈՒԹ
Քաղաքականություն
08.07.2020 | 14:21
Սահմանադրական դատարանը դեռևս չի տրամադրել ՄԻԵԴ-ի և Վենետիկի հանձնաժողովի եզրակացությունների հայերեն տարբերակը։ Այդ մասին այսօր խորհրդարանում՝ լրագրողների հետ ճեպազրույցում ասաց ԱԺ նախագահ Արարատ Միրզոյանը։
«ՀՀ-ում պաշտոնական լեզուն հայերենն է և, դժվար թե առաջիկայում կամ երբևէ դա փոխվի, այնպես որ՝ պարտավոր են տրամադրել հայերեն նյութերը, որից հետո ԱԺ ներկայացուցիչն ամբողջական պատկերացում կկազմի այդ կարծիքների և գործողությունների վերաբերյալ»,- ասաց Միրզոյանը։
Հիշեցնենք, որ ԱԺ ներկայացուցիչը միջնորդություն էր ներկայացրել ՍԴ՝ խնդրելով հետաձգել 2020թ․ հուլիսի 7-ին նշանակված գործի քննությունը, ԱԺ-ին տրամադրել ՄԻԵԴ և ՎՀ խորհրդատվական կարծիքների հայերեն թարգմանությունները, ինչպես նաև՝ ողջամիտ ժամկետ այդ կարծիքներին ծանոթանալու համար։
Խոսելով ՀՀ նախագահի կողմից ՍԴ-ին վերաբերող բարեփոխումների վերաբերյալ չստորագրված օրենքի նախագծի մասին՝ ԱԺ նախագահն ասաց․ «Արդյոք նախագահը կդիմի ՍԴ՝ չեմ կարող ասել, այդ թեմայով չենք խոսել։ Բայց եթե չդիմի, մեծ հաճույքով կստորագրեմ այն ժամանակ, երբ օրենսդրորեն սահմանված ժամկետը կլրանա»։
Դիտարկմանը, թե 21 օր հետո Միրզոյանն իրավունք ունի՞ ստորագրել օրենքի նախագիծը, քանի որ սահմանադրագետների տեսակետները հակասական են, Միրզոյանն ասաց, որ հակասական կարծիքների խնդիր չկա, «օրենքով սահմանված է, որ, եթե նախագահը ո՛չ ստորագրում է, ո՛չ դիմում ՍԴ, ապա ԱԺ նախագահը՝ սահմանված ժամկետի ավարտից հետո, կարող է ստորագրել այն»։
Մանրամասները՝ տեսանյութում:
Մերի Մարտիրոսյան
