27.04.2026 | 23:25
ՔԿ նախագահ Արթուր Պողոսյանի մասին գրառման համար ֆեյսբուքյան օգտատիրոջը մեղադրանք է առաջադրվել
Եթե չլիներ խաղաղության միջավայրը, նա չէր վերադառնա․ Փաշինյանը՝ Վագիֆ Խաչատրյանի մասին. ՏԵՍԱՆՅՈՒԹ
Քաղաքականություն
10.02.2026 | 22:49
ՀՀ վարչապետ Նիկոլ Փաշինյանը անդրադարձել է Բաքվում ԼՂ ռազմաքաղաքական ղեկավարության նկատմամբ կայացված դատավճիռներին և գերիների վերադարձի հնարավորությանը։
Վարչապետը դատավճիռները որակել է որպես «ցավալի և ծանր», սակայն նշել է, որ կոնֆլիկտն ունի իներցիա, որը հնարավոր չէ մեկ լծակով կանգնեցնել։ Ըստ նրա՝ գերիների վերադարձը հնարավոր է միայն խաղաղության պայմաններում․
«Խաղաղությունն է այն միջավայրը, որտեղ այդ հարցի լուծումը հնարավոր կդառնա։ Կոնֆլիկտի միջավայրում այդ խնդիրն անլուծելի է»։
Փաշինյանը որպես ապացույց բերել է Վագիֆ Խաչատրյանի վերադարձի դեպքը՝ նշելով, որ էմոցիոնալ ֆոնին զուսպ մնալը և աշխատանքային գործընթացը տվել են արդյունք․«Եթե չլիներ խաղաղության բարելավող միջավայրը, նա չէր վերադառնա՝ ոչ հիմա, ոչ տեսանելի ապագայում»։
Ամփոփելով Աբու Դաբիում տեղի ունեցած հանդիպման տպավորությունները՝ վարչապետը հայտնել է, որ կողմերը շատ մոտ են խաղաղության հաստատմանը․ «Մենք արդեն շոշափում ենք էն գիծը, որից հետո խաղաղությունը այլևս անշրջելի է»։
