10.02.2026 | 22:49
Եթե չլիներ խաղաղության միջավայրը, նա չէր վերադառնա․ Փաշինյանը՝ Վագիֆ Խաչատրյանի մասին. ՏԵՍԱՆՅՈՒԹ
2025 թվականին Հայաստանում հանցագործությունների թիվը նվազել է 3․2 տոկոսով. ՆԳ նախարար
Քաղաքականություն
10.02.2026 | 21:36
2025 թվականին Հայաստանում հանցագործությունների թիվը նվազել է 3․2 տոկոսով, հայտարարել է ՆԳ նախարար Արփինե Սարգսյանը՝ ամփոփելով Ոստիկանության օպերատիվ-ծառայողական գործունեության արդյունքները։ Մարդու դեմ ուղղված հանցագործությունները նվազել են 23․2 տոկոսով, բնակարանային գողությունները՝ 169 դեպքով, իսկ սեփականության դեմ ուղղված հանցագործությունները՝ ընդհանուր առմամբ 1․650-ով։ Այս մասին տեղեկացնում են ՆԳՆ-ից։
Թմրամիջոցների ապօրինի շրջանառության դեմ պայքարի շրջանակում 2025-ին առգրավվել է 768 կգ թմրամիջոց, ինչը գրեթե կրկնակի աճ է նախորդ տարվա համեմատ։ Զենք-զինամթերքի ապօրինի շրջանառության դեմ պայքարի արդյունքում առգրավվել կամ կամավոր հանձնվել է 2246 միավոր զենք։
Պարեկային ծառայությունը 2025-ին բացահայտել է 14․747 հանցագործություն, ինչը 3052-ով ավելի է նախորդ տարվա համեմատ։ Շարունակվել է նաև ճանապարհային անվտանգության բարելավումը․ վերջին երկու տարում ՀՀ ավտոճանապարհներին խնայվել է 95 կյանք։
ՆԳ նախարարը դրական է գնահատել արձանագրված արդյունքները՝ միաժամանակ շեշտելով թվայնացման, կիբեռհանցագործությունների դեմ պայքարի, ինչպես նաև հանցավորության կանխարգելման ուղղությամբ աշխատանքների ակտիվացման անհրաժեշտությունը։
