03.11.2026 | 23:29
Թրամփը հայտարարել է, որ ԱՄՆ-ը կդադարեցնի Իսրայելին տարեկան 4 միլիարդ դոլարի օգնության տրամադրումը
Տուգանվելու են համացանցում ատելության խոսք գրողները. Սրբուհի Գալյանը նոր նախագիծ է մշակում․ ՏԵՍԱՆՅՈՒԹ
Հասարակություն
10.02.2026 | 15:51
Արդարադատության նախարար Սրբուհի Գալյանը Factor.am-ի հետ զրույցում նշել է, որ ատելության խոսքի դեմ պայքարի հետ կապված նոր նախագիծ է մշակվում:
«Ներկա պահին նախագիծը դեռ քննարկման փուլում է, էությունը հետևյան է՝ վարչական և քաղաքացիական պատասխանատվություն է ձևակերպվում ատելության խոսքի հետ կապված»,-Factor.am-ի հետ զրույցում ասաց Սրբուհի Գալյանը՝ ավելացնելով․ «Քաղաքացիական պատասխանատվությունը լինելու է ոչ ենթակա վնասի հատուցման կարգով՝ ինչպես զրպարտության կամ վիրավորանքի դեպքում: Վարչական պատասխանատվության մասով դեռ պետք է քննարկենք, հատկապես այն հատվածը, որը վերաբերում է իրավասու մարմնին, իրավասու մարմինը պետք է հայտնաբերի ատելության խոսքն ու վարչական պատասխանատվություն կիրառի»:
Անդրադառնալով ֆեյք օգտատերերին ու տուգանքի չափի մասին որոշմանը՝ Գալյանը նշեց, որ ֆեյք օգտատերերի դեմ պայքարը գաղտնիք չէ, որ պարզ խնդիր չէ, իսկ տուգանքի չափի մասով դեռ որոշում չունեն, քանի որ նախագիծն ամփոփված չէ:
Մանրամասները՝ տեսանյութում։
Նարեկ Կիրակոսյան
