27.06.2026 | 01:34
5.5 մլրդ դոլար. աշխարհի ամենաթանկ ստադիոնում ԱՄՆ-Թուրքիա հանդիպման ետնաբեմը Factor TV-ի թղթակցի աչքերով
Հայաստանը ծայրագավառից դառնում է կենտրոն․Փաշինյանը՝ առաջիկա ընտրությունների մասին. ՏԵՍԱՆՅՈՒԹ
Քաղաքականություն
10.02.2026 | 23:30
ՀՀ վարչապետ Նիկոլ Փաշինյանը անդրադարձել է 2026 թվականի խորհրդարանական ընտրություններին՝ դրանք որակելով վճռորոշ Հայաստանի պետականության համար։
Վարչապետը շեշտել է, որ սպասվող ընտրությունները հնարավորություն են՝ կոտրելու պետականությունը կորցնելու պատմական ցիկլը.
«Սա պարզապես քաղաքական ընտրություն չէ, սա պատմաքաղաքական ընտրություն է… Մենք հնարավորություն ունենք դուրս գալու այդ պատմական ցիկլից, երբ մենք ինչ-որ աշխարհաքաղաքական հանգամանքների բերումով ստանում ենք պետություն և հետո էլի մեզնից չկախված հանգամանքների բերումով կորցնում ենք պետությունը»:
Փաշինյանը նկատել է, որ Հայաստանի աշխարհաքաղաքական ընկալումը փոխվում է. «Հայաստանը շարունակում է գտնվել ֆիզիկապես այնտեղ, որտեղ գտնվել է միշտ, բայց Հայաստանը մեր աչքի առաջ և մեր բոլորի համատեղ ջանքերով ծայրագավառից դառնում է կենտրոն»:
Խոսելով քաղաքացու անելիքի մասին՝ վարչապետն ընդգծել է. «Հայաստանի Հանրապետության քաղաքացին առաջիկա ընտրություններին առաջինը տեր պիտի կանգնի իր ջանքերով, իր զրկանքներով և կորուստներով ձեռք բերված խաղաղությանը… Մենք չենք կարող Հայաստանը դարձնել կենտրոն, մեր միջավայրը էդ կենտրոնից դուրս մղելու ճանապարհով»:
Եզրափակելով՝ Փաշինյանը ներկայացրել է տարածաշրջանային խաղաղության իրական երաշխիքը. «Սա է խաղաղության երաշխիքը. երբ որ խաղաղությունը մեր տարածաշրջանի բոլոր երկրներին կլինի ավելի շահավետ, ձեռնտու»:
