28.06.2026 | 16:18
ՔԿ-ն ԱԱԾ-ի հետ համատեղ հանցագործություն է իրականացրել․ Արամ Օրբելյանին ընդհատեց Սեդա Սաֆարյանը․ ՏԵՍԱՆՅՈւԹ
Հեղաշրջման գործով Ալիևի աշխատակազմի նախկին ղեկավարի տնային կալանքը 4 ամսով երկարաձգվել է
Քաղաքականություն
10.02.2026 | 23:04
Ադրբեջանում քննվել է քննչական մարմնի միջնորդությունը երկրի նախագահ Իլհամ Ալիևի աշխատակազմի նախկին ղեկավար Ռամիզ Մեհդիևի դեմ Պետական անվտանգության ծառայության (ՊԱԾ) կողմից հարուցված քրեական գործով նշանակված նախնական կալանքը երկարաձգելու վերաբերյալ։
Հաղորդվում է, որ այսօր Բաքվի Սաբաիլի շրջանային դատարանը չորս ամսով երկարաձգել է Ռամիզ Մեհդիևի նկատմամբ ընտրված տնային կալանքը։
Ռամիզ Մեհդիևին մեղադրանք է առաջադրվել Ադրբեջանի քրեական օրենսգրքի 278.1 (պետական իշխանությունը զավթելուն ուղղված գործողություններ), 274 (պետական դավաճանություն) և 193-1.3.2 (հանցավոր ճանապարհով ձեռք բերված գույքի լվացում) հոդվածներով։
Անցյալ տարվա հոկտեմբերի 14-ին Բաքվի Սաբայլի շրջանային դատարանը որոշում էր կայացրել Ռ. Մեհդիևի դեմ հարուցված քրեական գործի վերաբերյալ։ Դատարանը, բավարարելով Ռամիզ Մեհդիևի նկատմամբ առանձնապես ծանր հանցագործությունների համար քրեական հետապնդում իրականացնելու միջնորդությունը, նշանակել էր տնային կալանք չորս ամիս ժամկետով։
Թարգմանությունը՝ Էմմա Չոբանյանի
