02.07.2026 | 12:03
Կատարը հայտարարել է, որ Դոհայում ԱՄՆ-Իրան անուղղակի բանակցությունները «դրական առաջընթաց» են գրանցել
250 դոլար մեկ տարվա համար վճարել եմ․ Փաշինյանը՝ հարվածային գործիքների դասերի մասին. ՏԵՍԱՆՅՈՒԹ
Քաղաքականություն
10.02.2026 | 23:43
ՀՀ վարչապետ Նիկոլ Փաշինյանը պատասխանել է քննադատություններին, թե ե՞րբ է հասցնում զբաղվել հարվածային գործիքներով՝ պետական գործերի կողքին։ Վարչապետը բացահայտել է իր ժամանակի կառավարման բանաձևը։
Փաշինյանը խորհուրդ է տվել ժամանակի սղության դեպքում կրճատել քնի տևողությունը.
«Ես ընդհանրապես բոլորին խորհուրդ եմ տալիս, եթե որևէ բան անելու համար ձեզ ժամանակ չի հերիքում, արթնացեք մի ժամ շուտ, եթե էլի չի հերիքում, ուրեմն արթնացեք երկու ժամ շուտ… Իհարկե, քնի պակաս անպայման կառաջանա, բայց աշխատելու համար ժամանակը պետք է ստեղծել»:
Վարչապետը նշել է, որ ինքն արթնանում է առավոտյան ժամը 05:00-ին՝ «իր պատկերացրած Հայաստանից մի ժամ շուտ». «Հարվածային գործիքներով զբաղվում եմ հենց վաղ առավոտյան կամ ուշ երեկոյան՝ քնի հաշվին»:
Խոսելով ուսուցման գործընթացի մասին՝ Փաշինյանը շեշտել է, որ ինքը դեռ սովորում է, ոչ թե նվագում։ Նա օգտվում է վճարովի օնլայն հարթակից.
«Օնլայն վճարովի պլատֆորմ կա, որտեղ մի շատ տաղանդավոր երաժիշտ, շատ տաղանդավոր ուսուցիչ այդ դասերը տալիս է… Ես նախորդ տարի դեռ հունիսին այդ նվերը ստանալուց հետո 250 դոլար մեկ տարվա համար վճարել եմ և այդ դասընթացներով, այդ մոդուլով մասնակցում եմ»:
