06.04.2026 | 19:34
Պահնորդը պատահական կրակոց է արձակել է էկոնոմիկայի նախարարությունում, կա տուժած. ՆԳՆ
Շուտով կհրապարակվի գազի սակագինը` ընթացիկ տարվա համար․ բոլորի համար ցանկալի արդյունք կլինի․ Պապիկյան. ՏԵՍԱՆՅՈՒԹ
Տնտեսություն
10.06.2020 | 14:27
Հանրային ծառայությունները կարգավորող հանձնաժողովը շուտով կհրապարակի բնակչության սոցիալական տարբեր խմբերի համար գազի նոր սակագները: Այս մասին այսօր ԱԺ-ում 2019 թվականի պետբյուջեի կատարողականի քննարկման ժամանակ ասաց ՀՀ տարածքային կառավարման և ենթակառուցվածքների նախարար Սուրեն Պապիկյանը՝ պատասխանելով «Լուսավոր Հայաստան» խմբակցության պատգամավոր Սրբուհի Գրիգորյանի հարցին։
Պատգամավորը հետաքրքրվել էր՝ ի՞նչ կարծիք ունի նախարարը գազի և ջրի համար երկսակագնային քաղաքականության մասին։
«Ես կողմ եմ ոչ միայն երկսակագնային, այլև բազմասակագնային քաղաքականությանը, որովհետև ակնհայտ է, որ ՀՀ-ում միատարր սակագինը, մեղմ ասած, արդար չէ»,- նշեց նախարարը։
Անդրադառնալով գազի սակագնին՝ նա հույս հայտնեց, որ այստեղ մտահոգություններ չեն լինի, դրանք կփարատվեն։
«Ամեն դեպքում, հույս ունենք, որ արդյունքը բնակչության հիմնական սոցիալական խմբերի համար իրավիճակի վատթարացման չի հանգեցնի»,- նշեց Պապիկյանը։
Մանրամասները՝ տեսանյութում։
