30.09.2026 | 15:25
«Զարմացած եմ այն ամենով, ինչ տեսա այստեղ». Լևան Կոբիաշվիլին՝ «Յուվենտուսի» հայաստանյան ակադեմիայի մասին
2019-ին որակյալ շինարարության կարիք ենք ունեցել․ որակական խնդիրներ են եղել․ Պապիկյան. ՏԵՍԱՆՅՈՒԹ
Տնտեսություն
10.06.2020 | 10:31
Հայերս աշխարհում հայտնի ենք որպես լավ շինարարներ և մեծ պահանջարկ ենք վայելում, սակայն փաստն այն է, որ 2019 թվականին որակյալ շինարարության կարիք ենք ունեցել։ Այս մասին այսօր ԱԺ-ում 2019 թվականի պետբյուջեի կատարողականի քննարկման ժամանակ հայտարարեց ՀՀ տարածքային կառավարման և ենթակառուցվածքների նախարար Սուրեն Պապիկյանը՝ անդրադառնալով մարզերում սուբվենցիոն ծրագրերով իրականացվող շինարարական աշխատանքներին։
Նախարարի խոսքով՝ 2019 թվականի սուբվենցիոն ծրագրերի հիմնական խնդիրը եղել է շինարարության որակը՝ բացառությամբ մի քանի նորակառույց մանկապարտեզների, որոնք զուտ ժամանակագրորեն հնարավոր չի եղել իրականացնել կարճ ժամանակահատվածում:
«Այդ որակի շինարարության ընդունումը մեր կողմից անընդունելի էր։ Հիմա շինարարներին, ովքեր ունեն անավարտ աշխատանքներ, հնարավորություն է տրվել ընթացիկ տարում ավարտել դրանք, ովքեր ունեն արձանագրված թերություններ՝ շտկել և մինչև օգոստոսի 1-ը ներկայացնել վերջնական կատարողականները, որի արդյունքում 2019 թվականին առկախված ֆինանսավորումը կկատարվի»,- հայտնեց նախարարը:
Մանրամասները՝ տեսանյութում։
