17.12.2025 | 12:17
Արման Ծառուկյանն ու Մեհդի Բայդուլաևն անցկացրել են հայացքների մենամարտ․ ՏԵՍԱՆՅՈՒԹ
Դիմակ պետք չէ կրել, երբ պաղպաղակ ես ուտում․ Ավինյանը կատակեց. ՏԵՍԱՆՅՈՒԹ
14.05.2020 | 16:38
ԱԺ հատուկ նիստում «Իմ քայլը» խմբակցության պատգամավոր Միքայել Զոլյանը փոխվարչապետ Տիգրան Ավինյանից հետաքրքրվեց՝ դիմակ կրելը պարտադիր դարձնելով՝ ինչպե՞ս են քաղաքացիներին բացատրելու դրա անհրաժեշտությունը և հետևելու, որ մարդիկ կրում են այն:
«Եթե խոսքն այն մասին է, որ փողոցում կամ այգում մարդիկ պետք է դիմակ կրեն, վախենում եմ՝ մի քիչ դժվար կլինի դրան հետևել: Կարող է շոգ եղանակին մի քիչ հակառակ էֆեկտը ունենալ»,- ասաց պատգամավորը՝ հավելելով նաև, թե ինչո՞ւ է այս պահանջը պարտադիր դառնում մայիսի 25-ից:
Տիգրան Ավինյանը պատասխանեց, որ հայտարարվել է մայիսի 25-ից, քանի որ պատասխանատվության կիրառման փուլը ամսի 18-ից բավական խիստ ռեժիմով են սկսելու փակ տարածքներում:
«Իրականում, եթե անձը տանից դուրս է գալիս, ամենայն հավանականությամբ, գնում է որևէ փակ տարածք, ինչը նշանակում է, որ իրեն այդ դիմակն այնպես թե այնպես պետք է լինելու: Ամսի 25-ից՝ վերջին փուլում, մենք նաև պարտադիր ենք դարձնելու հանրային վայրերում դիմակների կրումը, որովհետև եթե մարդը տանից դուրս է գալիս և փակ տարածքում պետք է հայտնվի, այդտեղ պարտադիր է լինելու: Եթե դիմակ չունենա դրսում, հետևաբար՝ այդ փակ տարածքում էլ չի ունենալու»,- ասաց փոխվարչապետը:
Նա, միաժամանակ, նշեց, որ շատ ծայրահեղություններ չեն լինելու՝ կատակելով. «Այգում ման գալը իրարից որոշակի հեռավորության վրա, ինչպես նաև չի պահանջվելու դիմակ, երբ պաղպաղակ ես ուտում»:
Մանրամասները՝ տեսանյութում:
