22.05.2026 | 12:01
Հակոբ Արշակյանը Սանկտ Պետերբուրգում ներկայացրել է Հայաստանում սպասվող ընտրությունների միջազգային մոնիթորինգի գործընթացը
Ռուսաստանում կորոնավիրուսից մահացած բուժաշխատողների թվում 2 հայ կա. ՌԻԱ Նովոստի
Քաղաքականություն
25.04.2020 | 18:45
Հրապարակվել է Ռուսաստանում կորոնավիրուսից մահացած բուժաշխատողների ցանկը։ Նրանց թվում 2 հայ կա։ Այս մասին հայտնում է ՌԻԱ Նովոստին։
Կորոնավիրուսային հիվանդությունից մահացած հայ բուժաշխատողներն են Մոսկվայի Սեչենովսկի համալսարանի համաճարակաբան, 69-ամյա Արփիկ Աշոտի Հասրաթյանը և Սանկտ Պետերբուրգի Պատերազմի վետերանների հոսպիտալի 55-ամյա բուժքույր Սվետլանա Վալերիի Դավթյանը։
Ցանկում նշված երեք բուժաշխատող էլ Բելառուսից է։
Ընդհանուր առմամբ, ՌԴ-ում կորոնավիրուսից մահացել է 22 բուժաշխատող։ Նրանցից ամենաերիտասարդը 29 տարեկան է՝ Մոսկվայից նյարդաբան:
Հավելենք, որ վերջին տվյալներով՝ Ռուսաստանում կորոնավիրուսով վարակված 74.588 քաղաքացի կա։ Մահվան դեպքերը 681-ն են։
Նելլի Մելքոնյան
