27.04.2026 | 15:10
ՀՀ-Ադրբեջան սահմանազատումը կշարունակվի // Բերման է ենթարկվել հետախույզ Արթուր Ավանեսյանը․ ԼՈՒՐԵՐ
ՔՊ-ում քննարկում են «Այո»-ի «գողացված» լոգոյի հարցը. ՏԵՍԱՆՅՈՒԹ
Հասարակություն
26.02.2020 | 16:40
Երեկ «Քաղաքացիական պայմանագիր» կուսակցության «Այո»-ի շտաբի դրամահավաք-երեկոյի ընթացքում հայտնի դարձավ «Այո»-ի քարոզչական բրենդինգի բաց մրցույթի հաղթողը, որի հեղինակած լոգոն օգտագործվելու է քարոզչության ընթացքում։
Լոգոն հրապարակելուց հետո ֆեյսբուքում լուրեր շրջանառվեցին այն մասին, որ այն գրագողություն է՝ վերցված 90-ականներից։
«Քաղաքացիական պայմանագիր» կուսակցության հանրային կապերի համակարգող Վահագն Ալեքսանյանը Factor.am-ի հետ զրույցում ասաց, որ իրենք նույնպես անակնկալի են եկել։
«Ճիշտն ասած՝ մենք այսօր բոլորի պես սոցցանցերից ենք իմացել։ Դեռևս քննարկման փուլում ենք։ Կքննարկենք, որոշում կունենանք և կհայտարարենք»,- ասաց Ալեքսանյանը։
Factor.am-ի հարցին, թե արդյոք հնարավո՞ր է՝ լոգոյի համար տրված 3 մլն դրամը հետ պահանջեն, Ալեքսանյանն ասաց․ «Դեռևս որևէ որոշում չունենք»։
Factor.am-ը փորձեց կապ հաստատել նաև «Այո»-ի լոգոն հեղինակած «Գարուն Էյնջնսի» կազմակերպության տնօրեն Ռաֆայել Դանիելյանի հետ։ Նա, սակայն, անհասանելի էր։
Ուշագրավ է, որ փոխվարչապետ Տիգրան Ավինյանը ֆեյսբուքյան իր էջում հրապարակել է «Այո»-ի 90-ականների լոգոն և գրել․ «Փնտրվում է բնօրինակի հեղինակը»։
Ավելի ուշ հայտնի դարձավ, որ «Այո»-ի լոգոյի բնօրինակը տպագրվել է «Երեկոյան Երևան» թերթի 1991 թվականի սեպտեմբերի 21-ի համարում և վերաբերել է Անկախության հանրաքվեին։
Նելլի Մելքոնյան
