27.10.2026 | 15:06
Սամվել Կարապետյանի գործով դատական նիստը՝ ՈՒՂԻՂ
Նախագահը ստացել է ՌՈ պետ Արթուր Բաղդասարյանին պաշտոնանկ անելու առաջարկությունը
Քաղաքականություն
19.02.2020 | 12:47
ՀՀ նախագահի աշխատակազմը երեկ երեկոյան ՀՀ վարչապետի աշխատակազմից ստացել է առաջարկություն պաշտոնանկ անել Ռազմական ոստիկանապետ Արթուր Բաղդասարյանին և ԶՈՒ բարոյահոգեբանական ապահովման վարչության պետ Ալեքսան Ալեքսանյանին:
Տեղեկությունը Factor.am-ի հետ զրույցում փոխանցեցին նախագահի աշխատակազմի լրատվական ծառայությունից՝ հավելելով, որ նախագահը դեռ չի ստորագրել, նա ունի եռօրյա ժամկետ:
Հիշեցնենք՝ երեկ գրել էինք, որ բանակում տիրող իրավիճակի և երեկ մամուլում հայտնված սկանդալային բացահայտումներից հետո որոշվել է Ռազմական ոստիկանության պետ Արթուր Բաղդասարյանին պաշտոնանկ անել։ Երեկ նաև գրել էինք, որ Factor.am-ի՝ պաշտպանական գերատեսչության աղբյուրների փոխանցմամբ, ռազմական ոստիկանության նոր պետի չորս անուն է շրջանառվում:
Մասնավորապես, ԱԻՆ փրկարարական ծառայության նախկին պետ Արտակ Նախապետյանի, Վանաձորի ռազմական ոստիկանության պետ Աշոտ Զաքարյանի, ՌՈ պետի նախկին տեղակալ Աշոտ Վանյանի և ՌՈ պետի օպերատիվ գծով տեղակալի պաշտոնը Ալեքսանդր Աղաջանյանի անունները։
Նարեկ Կիրակոսյան
