17.11.2024 | 23:31
Պաշտոնանկություններ կառավարությունում․ 2 նախարար, ուժային կառույցների ղեկավարներ ու ՊԵԿ նախագահն ազատման դիմում են ներկայացրել
«Տաքսիստների նկատմամբ ատելության մթնոլորտ է». Տիգրան Հովհաննիսյան. ՏԵՍԱՆՅՈՒԹ
Հասարակություն
15.01.2020 | 16:38
Աբսուրդ է՝ բալային համակարգը կիրառել տաքսու վարորդների նկատմամբ այն դեպքում, երբ մենք չունենք լիցենզավորված տաքսիստ։ Այս մասին այսօր՝ ճանապարհային երթևեկության բալային համակարգի դեմ բողոքի ակցիայի ընթացքում նշեց «Ավտովարորդների պաշտպանության լիգայի» նախագահ Տիգրան Հովհաննիսյանը։
«Տաքսիստների նկատմամբ ատելության մթնոլորտ է։ Բալային համակարգից բացի, հունվարի 8-ից մեզ սկսել են ուղարկել նամակներ՝ 2015 թվականից կուտակված պարտքերի մասին։ Ուզում եմ հասկանալ՝ սա գիտակցաբար է կատարվո՞ւմ, թե՝ ոչ։ Մեզ այս պարտքերի մասին հիշեցրել է Տարածքային կառավարման և ենթակառուցվածքների նախարարությունը։ Տարածքային կառավարման նախարարը ի՞նչ է հասկանում տաքսու ոլորտից։ Ո՞վ է այդ նամակներն ուղարկել։ Պատճառաբանում են, որ 2015-18 թվականներին պարտք ենք 500 հազարից 1 մլն դրամ։ Կանչենք՝ տեսնենք այս մարդը տաքսու ոլորտից տեղյա՞կ է, ինչու՞ է ստորագրել, ուղարկել։ Ասացին, որ մեզ հետ կհանդիպի։ Բալային համակարգի մասին էլ Ոստիկանության հետ ենք խոսելու»,- ասաց Տիգրան Հովհաննիսյանը։
Մանրամասները՝ տեսանյութում։
Նելլի Մելքոնյան
