23.06.2026 | 22:54
Բուլինգից մինչև թմրամիջոցների կանխարգելում․ սեպտեմբերի 1-ից դպրոցներում կգործեն անվտանգության նոր չափանիշներ
Ճապոնիայում ստուդիայում բռնկված հրդեհի հետևանքով զոհերի թիվը հասել է 33-ի
Քաղաքականություն
18.07.2019 | 19:43
Ճապոնիայի Կիոտո քաղաքում անիմեի արտադրությամբ զբաղվող «Kyoto Animation» ստուդիայի հրդեհման հետևանքով 33 մարդ է զոհվել, 40-ը՝ վիրավորվել: Մի քանի մարդ անհետ կորած է համարվում։ Այս մասին հաղորդում է Vesti.ru-ն:
Վիրավորներից 10-ի վիճակը ծանր է գնահատվում: Նշվում է, որ հրդեհի պահին շենքում 70 մարդ է եղել: Ականատեսների խոսքով՝ մինչ հրդեհը բռնկվելը պայթյունի ձայն են լսել:
Իրավապահները պարզել են, որ հրդեհը միտումնավոր է եղել: Ձերբակալվել է 41-ամյա տղամարդ, որին կասկածում են շենքի վրա վառելանյութ լցրելու և այն հրդեհելու մեջ:
Արդյունքում չարագործը նույնպես վիրավորվել է և մյուս տուժածների հետ հոսպիտալացվել: Հաղորդվում է, որ նա «Kyoto Animation» ստուդիայի աշխատակից չի եղել:
Նելլի Մելքոնյան
