18.10.2026 | 20:00
Եթե ԱԲ-ն որոշի՝ Մարդն ավելորդ է․ Տերմինատորի սցենարը կարո՞ղ է իրականություն դառնալ․ ՏԵՍԱՆՅՈւԹ
Ինչպես է ԵԱՀԿ ԽՎ-ում կանխվել հակահայկական քաղաքական ագրեսիան. ՏԵՍԱՆՅՈՒԹ
Քաղաքականություն
10.07.2019 | 13:27
ԵԱՀԿ Խորհրդարանական վեհաժողովի քաղաքական հանձնաժողովի նիստում ադրբեջանական լոբբին չի կարողացել անցկացնել հակահայկական մի բանաձև, որում անդրադարձ կար հայկական զինված ուժերի վերահսկողության տակ գտնվող «գրաված 7 շրջաններին»։ Ըստ ԵԱՀԿ ԽՎ-ում հայկական խորհրդարանական պատվիրակության ղեկավար Հայկ Կոնջորյանի՝ այդ բանաձևում հաշվի չէին առնված հայ-ադրբեջանական հակամարտության մասին Մինսկի խմբի հայտարարությունները։
«Մեր գլխավոր խնդիրն էր, որ բանաձևից հանեինք այդ խայտառակ կետը հանեինք։ Տեքստում որևէ հիշատակություն չկար Մինսկի խմբի ֆորմատի մասին, իսկ Ադրբեջանը միշտ է ցանկանում հասնել նրան, որպեսզի հարցը դուրս բերի Մինսկի խմբի ֆորմատից և տանի այլ պլատֆորմներ, նշում չկար Հելսինկյան եզրափակիչ ակտի երեք սկզբունքներից մեզ համար ամենակարևր կետի՝ ազգերի ինքնորոշմանը»,- այսօր հրավիրված ասուլիսում տեղեկացրեց Հայկ Կոնջորյանը։
Նա հավելեց, որ ԵԱՀԿ ԽՎ-ում Ադրբեջանը բավականին մեծ կշիռ ունի, նաև մանրամասնեց, թե ինչ ուժերի դեմ է եղել հայկական պատվիրակության պայքարը. «57 երկիր են, մոտ 350 պատգամավոր, մի զգալի չափով, վախենալու չափով պատգամավորներ Ադրբեջանի կամ Թուրքիայի հետ իրենց երկրների բարեկամական խմբերի անդամներ են: Այդ մարդկանց հետ տարիներ շարունակ աշխատանք է տարվել։ Այն կոմիտեն, որտեղ քննարկվում էր այդ զեկույցը, քաղաքական կոմիտեի նախագահ Ֆիլիպե Լոմբարդին շվեյցարա-ադրբեջանական բարեկամական խմբի անդամ է, և վերջերս ինչ-որ տեղ նշել է, որ Ազա Գուլիևն իր ընկերն է»։
Հայկական պատվիրակությունը, ըստ Կոնջորյանի, երբ իմացել է, որ այդպիսի բանաձև են ուզում անցկացնել ԵԱՀԿ ԽՎ քաղաքական կոմիտեում, խորհրդարանական դիվանագիտության լծակներով, ԱԳՆ-ի և դեսպանատան, սփյուռքահայ գործընկերների օգնությամբ, ի վերջո, կարողացել են կանխել այդ բանաձևի ընդունումը։ Անձամբ պատվիրակությանը հաջողվել է բանաձևից հանել վտանգավոր կետերը։
Մանրամասները՝ տեսանյութում:
