11.07.2026 | 11:33
Ստրասբուրգում քննարկվել են ազատազրկվածների իրավունքների պաշտպանության նոր չափանիշները
Մահացել է Արգենտինայի նախկին նախագահը. երկրում եռօրյա սուգ է հայտարարվել
Քաղաքականություն
09.07.2019 | 18:48
81 տարեկանում կյանքից հեռացել է Արգենտինայի նախկին նախագահ Ֆերնանդո դե լա Ռուան: Այս մասին գրում է ՌԻԱ Նովոստին՝ վկայակոչելով Todo Noticias պարբերականը:
Այսօր ավելի վաղ հայտնի էր դարձել, որ նախկին նախագահին հոսպիտալացրել են Բուենոս Այրեսի Alexander Fleming հիվանդանոց՝ սրտի և երիկամների անբավարարության պատճառով:
«Ցավում եմ նախկին նախագահ Ֆերնանդո դե լա Ռուայի մահվան կապակցությամբ: Նրա ուղին, որպես ժողովրդավար քաղաքական գործչի, արժանի է բոլոր արգենտինացիների հարգանքին»,- Twitter-ում գրել է երկրի գործող նախագահ Մաուրիսիո Մակրին:
Դե լա Ռուայի մահվան կապակցությամբ Արգենտինայում եռօրյա սուգ է հայտարարվել:
Նշենք, որ Ֆերնանդո դե լա Ռուան Արգենտինայի նախագահի պաշտոնը ստանձնել է 1999 թվականին, սակայն 2000-ի դեկտեմբերին, տնտեսական ճգնաժամի ֆոնին զանգվածային անկարգությունների պատճառով, վաղաժամ հեռացել պաշտոնից:
