22.05.2026 | 18:10
Պետդումայի խոսնակը ՀՀ-ին մեղադրել է «ոչ բարեկամական» դիրքորոշման համար // «Ուժեղ Հայաստան»-ի համակիրներ են ձերբակալվել. ԼՈՒՐԵՐ
Էրդողանի ռեժիմը թշնամական է քրիստոնյաների հանդեպ. ամերիկացի հոգևորականի ելույթն ԱՄՆ Կոնգրեսում
Քաղաքականություն
28.06.2019 | 13:40
Կարծում եմ, որ փոքրամասնությունները, Թուրքիայում պատմականորեն բնակվող քրիստոնյա խմբերը՝ ինչպես հայերը կամ մյուս ուղղափառները, զգում են լարվածությունը: Այս մասին ԱՄՆ Կոնգրեսում ունեցած ելույթում նշել է ամերիկացի քահանա Էնդրյու Բրանսոնը, որը երկու տարի անազատության մեջ էր Թուրքիայում, հայտնում է ԱՄՆ Հայ դատի հանձնախումբը:
«Հատկապես Էրդողանի ռեժիմը թշնամական է: Շատ թուրքերի համար կարևորը մահմեդականների անհատականությունն է»,- ընդգծել է հոգևորականը։
Նշենք, որ Էնդրյու Բրանսոնին Թուրքիայում մեղադրում էին քուրդ զինված խմբերի հետ կապեր ունենալու և իսլամական քարոզիչ Ֆեթուլլահ Գյուլենին աջակցելու մեջ։ Թուրքիայի իշխանությունները նրան համարում էին 2016 թվականի հեղաշրջման փորձի կազմակերպիչ։ Բրանսոնն ազատ է արձակվել 2018 թվականի հոկտեմբերին:
Նելլի Մելքոնյան
