28.11.2024 | 23:27
Վրաստանում ցուցարարները շարժվում են դեպի խորհրդարան
Նոր պատժամիջոցները փակում են դիվանագիտական ուղին. Իրանի արձագանքը՝ Թրամփին
Քաղաքականություն
25.06.2019 | 20:40
Նախօրեին Վաշինգտոնում հայտարարվել էր, որ Իրանի և իրանական ղեկավարության նկատմամբ նոր պատժամիջոցներ են սահմանվում։ Դրանք, մասնավորապես, վերաբերում են Իրանի հոգևոր առաջնորդ և պետության ղեկավար այաթոլլա Ալի Խամենեիին: Պատժամիջոցները թույլ չեն տալու պետության հոգևոր առաջնորդին օգտվել ամերիկյան ֆինանսական համակարգից։ Պատժամիջոցներ են սահմանվել նաև Իրանի հրամանատարների նկատմամբ, հայտնում է euronews-ը:
ՄԱԿ-ում Իրանի մշտական ներկայացուցիչ Մաջիդ Թախտ Ռավանչին այս հարցի շուրջ Թեհրանի պատասխանն է ներկայացրել։
«Մենք չենք պատրաստվում ԱՄՆ-ի ճնշումներին ենթարկվել։ Մենք բոլորս ականատես ենք եղել մեր երկրի նկատմամբ նոր պատժամիջոցների սահմանմանը։ Առողջ բանականությամբ և լավ հիշողությամբ ոչ մի մարդ չի գնա բանակցության, որի համար պայմանները չկան, ավելին, երբ դրանով քեզ սպառնում են»,- ընդգծել է իրանցի դիվանագետը:
Պատժամիջոցների ներդրմանն արձագանքել է նաև Իրանի ԱԳ նախարար Մոհամմադ Ջավադ Զարիֆը։ Նա հայտարարել է, որ Պարսից ծոցից զորքերի դուրսբերումը նաև Միացյալ Նահանգների շահերն է սպասարկում:
Այսօր առավոտյան էլ Իրանի ԱԳ նախարարը հայտարարել է, որ ԱՄՆ-ի նոր հակաիրանական պատժամիջոցները մեկընդմիշտ փակում են դիվանագիտական ուղին։
Նելլի Մելքոնյան
