16.12.2025 | 22:40
ԿԳՄՍ փոխնախարարը հանդիպել է ծանրամարտի տղամարդկանց հավաքականին
Կանադայի արևմուտքում անտառային հրդեհների պատճառով ավելի քան 9.000 մարդ լքել է տները
Քաղաքականություն
20.06.2019 | 13:30
Կանադայի արևմտյան Ալբերտա նահանգում անտառային հրդեհների պատճառով ավելի քան 9.000 մարդ հարկադրված է եղել լքել տները: Այս մասին գրում է ՏԱՍՍ-ը՝ վկայակոչելով շրջանի հակահրդեհային ծառայությունը:
Այս նահանգում անտառներն այրվում են մայիսի կեսերից, կրակը շարունակում է տարածվել շոգ և չոր եղանակի պատճառով: Շրջանում հրդեհի 27 օջախ է գրանցվել, մեծ մասը՝ նահանգի հյուսիսում: Միայն վերջին մեկ օրվա ընթացքում այստեղ 10 նոր անտառային հրդեհ է առաջացել:
Հրդեհաշիջման աշխատանքներին ավելի քան 1.200 հրշեջ է մասնակցում, այդ թվում՝ Բրիտանական Կոլումբիա, Նոր Շոտլանդիա և Օնտարիո նահանգներից: Ալբերտայի հակահրդեհային ծառայության տվյալներով՝ որոշ օջախների բարդության բարձրագույն աստիճան է տրվել:
Տները լքել են Ալբերտայի մի քանի տասնյակ բնակավայրերի բնակիչներ: Տարհանումը սկսվել է դեռևս մայիսի վերջին:
