Քաղաքականություն
14.06.2019 | 15:35Ազգային ժողովի պետաիրավական հարցերի մշտական հանձնաժողովում քննարկվում է «Քրեակատարողական ծառայության մասին» Հայաստանի Հանրապետության օրենքում փոփոխություններ կատարելու մասին նախագիծը:
Նախագծի հիմնական զեկուցող, «Լուսավոր Հայաստան» խմբակցության պատգամավոր Տարոն Սիմոնյանը նշեց, որ խմբակցությանը բազմաթիվ քրեակատարողական հիմնարկների ծառայողներ են դիմել և հայտնել, որ իրենց աշխատավարձը չի պահպանվում, երբ իրենց լիազորությունները կասեցվում է:
Արդարադատության փոխնախարար Տիգրան Խաչիկյանը հետաքրքրվեց՝ հակասություն չի՞ տեսնում աշխատավարձի հաշվարկման գաղափարական հիմքի մեջ. «Աշխատանքային օրենսգրքով աշխատավարձը հաշվարկվում է աշխատանքը կատարելու դիմած: Հիմա Ձեր ասածն ու այս կոնցեպտը չե՞ն հակասում իրար»:
Տարոն Սիմոնյանը հակադարձեց, որ այստեղ խոսքը ոչ աշխատակցի մեղքով հարկադիր պարապուրդի մեջ գտնվելու մասին է: Տիգրան Խաչիկյանը պնդեց, որ պետք է տարբերակում մտցնել, որին ի պատասխան՝ Տարոն Սիմոնյանն արձագանքեց. «Պարո՛ն Խաչիկյան, ջղայն-ջղայն եք խոսում»:
Մանրամասները՝ տեսանյութում:
Նարեկ Կիրակոսյան
