16.11.2024 | 22:58
«Մանկական Եվրատեսիլ – 2024»-ում հաղթեց Վրաստանը
Ջուլիան Ասանժին բանտի հիվանդանոց են տեղափոխել
Քաղաքականություն
30.05.2019 | 11:55
WikiLeaks-ի հիմնադիր Ջուլիան Ասանժի առողջական վիճակը Լոնդոնի Բելմարշ բանտում գտնվելու ընթացքում վատթարացել է: WikiLeaks-ից տեղեկացրել են, որ Ասանժին տեղափոխել են բանտի հիվանդանոցային բաժանմունք, գրում է ՏԱՍՍ-ը:
«Բելմարշում անցկացրած յոթ շաբաթվա ընթացքում նրա առողջական վիճակը շարունակում է վատթարանալ: Նրան հիվանդանոցային բաժանմունք տեղափոխելու՝ բանտի ղեկավարության որոշումը խոսուն է»,- ասված է հայտարարությունում:
WikiLeaks-ում հավելել են, որ «լրջորեն մտահոգված» են Ասանժի ինքնազգացողությամբ:
Կազմակերպությունում նաև դատապարտել են Ասանժի առողջական վիճակի հետ կապված հունիսի 3-ին նշանակված կալանքի հարցով լսումները հետաձգելու՝ շվեդական դատարանի մերժումը:
Մայիսի 2-ին WikiLeaks-ն ու Ջուլիան Ասանժի փաստաբաններն ահազանգել էին նրա ինքնազգացողության վատթարացման և բրիտանական բանտում պահման պայմանների մասին: Ավելի վաղ բժիշկներն Ասանժի մոտ միջին ծանրության դեպրեսիա, շնչուղիների վարակ և ատամների հետ կապված խնդիրներ էին ախտորոշել, որոնք երկար ժամանակ Էկվադորի դեսպանատանը թաքնվելու արդյունք են:
Հիշեցնենք, որ նա 2012 թվականից թաքնվում էր բրիտանական իշխանություններից և քաղաքական ապաստան էր խնդրել Էկվադորից:
