02.09.2026 | 23:08
31 տեսախցիկ, 48 նոր ավտոմեքենա և ուսումնաարտադրական կենտրոններ․ Սրբուհի Գալյանը ներկայացրել է բարեփոխումները
Թուրքիան շարունակում է հեռանալ ԵՄ-ից. Թուրքիայի մասին ԵՄ-ի զեկույց
Քաղաքականություն
29.05.2019 | 21:03
Եվրախորհրդարանում (ԵԽ) ներակայացվել է 7 երկիր ներառող ընդլայնման փաթեթը, որտեղ առկա է Թուրքիայի մասին զեկույց: Այն բավական խիստ գնահատականներ է պարունակում Անկարայի հասցեին. գրում է ermenihaber-ը:
Փաթեթը ներկայացրել է Եվրամիության (ԵՄ) ընդլայնման և հարևանության հարցերով հանձնակատար Յոհաննես Հանը: Նա տեղեկացրել է, որ Թուրքիայի հետ բանակցությունների նոր փուլ չի սկսվելու:
Զեկույցում նշվել է, որ նախորդ տարիների նման Թուրքիայում մարդու իրավունքների ու ժողովրդավարության ասպարեզում լուրջ հետընթաց կա, սակայն այս տարվա զեկույցում առաջին պլան են մղվել տնտեսությանն ու ազատ շուկային վերաբերող մտահոգությունները:
«Թուրքիայում մարդու իրավունքների խախտումների շատանում են: Բացի այդ տնտեսության մի շարք ոլորտներում հետընթաց ապրած Թուրքիան շարունակում է հեռանալ ԵՄ-ից»,- ասել է զեկույցը ներկայացնող ԵՄ բարձրաստիճան պաշտոնյան:
Հանը, սակայն, հայտարարել է, որ իրենք գոհ են Թուրքիայի հետ Անկարայի հետ կնքված փախստականների վերաբերյալ պայմանագրից՝ ասելով, որ համատեղ շահերի շրջանակներում համատեղ համագործակցությունը շարունակվում է:
