14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Հանրապետությունը վերածվել է խարդավանքների սարդոստայնի և ամեն մեկն իր պարտականությունների կատարումը գցում է մյուսի վրա․ ՍԴ դատավորի թեկնածու․ ՏԵՍԱՆՅՈՒԹ
Քաղաքականություն
29.05.2019 | 15:47
Ազգային ժողովում շարունակվում է Սահմանադրական դատարանի դատավորի թեկնածության քննարկումը․ թեկնածու Արթուր Վաղարշյանը պատասխանում է պատգամավորների հարցերին։
ԱԺ «Իմ քայլը» խմբակցության պատգամավոր Աննա Կարապետյանը թեկնածուից հետաքրքրվեց վերջինիս տեսակետը Բարձրագույն դատական խորհրդի՝ օրեր առաջ տարածած հայտարարության վերաբերյալ, ինչպես նաև թեկնածուին հարցրեց, թե նա ինչ կոչով կդիմի ԲԴԽ անդամներին։
Ի պատասխան Արթուր Վաղարշյանը նշեց, որ ԲԴԽ անդամներին կոչ է անում լինել առավել ակտիվ, քանի որ իրենք դատական իշխանության անկախության երաշխավորն են. «Կարող է նրանց հոգեբանական վիճակը հիմա այլ է, ղեկավարը հրաժարական է տվել, սակայն այս իրավիճակում պետք է իրենց մեջ ուժ գտնեն և արձագանքեն հասարակական հնչեղություն ստացած հարցերին»։
Անդրադառնալով ԲԴԽ-ի տարածած հայտարարությանը, Արթուր Վաղարշյանը նկատեց․ «Հիմա հանրապետությունը վերածվել է խարդավանքների, այսպես ասած, սարդոստայնի և ամեն մեկն իր պարտականությունների կատարումը գցում է մյուսի վրա, իրենք էլ կարող էին որոշակի այնպիսի քայլեր ձեռնարկել, որոնք ստանում են ԲԴԽ-ից։ Ընդհանուր առմամբ, սակայն, ես որևէ խնդիր չեմ տեսնում և նրանց պահանջը օրինական է»։
