Քաղաքականություն
28.05.2019 | 15:59
Սերբիան պետք է ընդունի, որ այլևս չի վերահսկում Կոսովոյում տիրող իրադրությունը: Այս մասին խորհրդարանում ելույթի ընթացքում հայտարարել է երկրի նախագահ Ալեքսանդր Վուչիչը, գրում է ՌԻԱ Նովոստին:
Նա ընդգծել է, որ Սերբիան պետք է ընտրի՝ ինչպես զարգացնել Կոսովոյի հետ հարաբերությունները. դադարեցնե՞լ հակամարտությունը, թե՞ կապեր ստեղծել:
«Ես որոշել եմ չշարունակել սուտն ու ինքնախաբեությունը։ Ես բոլորին ասել եմ, որ մենք Կոսովոյում և Մեթոխիայում իշխանություն չունենք՝ բացի առողջապահական ու կրթական ոլորտներից։ Մենք պետք է դադարենք խաբել մեր հասարակությանը»,- ասել է նախագահը:
Վուչիչի խոսքով՝ ինքն անձամբ չճանաչված հանրապետության հետ հարաբերությունների բարելավման կողմնակից է։
