15.12.2025 | 15:14
Պապոյանը՝ Բաքվից նավթ գնելու մասին//Լեհ երկրպագուների գործով ձերբակալվածներից 5-ը ռուսներ են․ ԼՈՒՐԵՐ
Կառավարությունում տեղի է ունեցել սուբվենցիայի հայտերի գնահատման միջգերատեսչական հանձնաժողովի նիստը
Քաղաքականություն
24.05.2019 | 15:03
ՀՀ կառավարությունից տեղեկացնում են փոխվարչապետ Տիգրան Ավինյանի համակարգմամբ տեղի է ունեցել ՀՀ վարչապետի 2019 թվականի մարտի 19-ի թիվ 278-Ա որոշմամբ հաստատված ՀՀ պետական տարեկան բյուջեներով նախատեսված սուբվենցիաներից բացի ՀՀ համայնքների տնտեսական և սոցիալական ենթակառուցվածքների զարգացմանն ուղղված սուբվենցիայի հայտերի գնահատման միջգերատեսչական հանձնաժողովի նիստը:
«Նիստի ընթացքում հաստատվել է համայնքներից ստացված սուբվենցիայի ծրագրային 46 հայտ` շուրջ 1.9 մլրդ. ընդհանուր ծավալով, որից պետական բյուջեից համաֆինանսավորումը կազմում է շուրջ 1 մլրդ. դրամ: Քննարկվել են դեռևս չավարտված ծրագրերի համաֆինանսավորման տրամադրման հետ կապված հարցեր:
Համայնքներում իրականացվող շինարարական աշխատանքների համատեքստում տեղի է ունեցել մտքերի փոխանակում վերջիններիս որակի նկատմամբ վերահսկողության և արդյունքների գնահատման մեխանիզմների շուրջ: Նիստի մասնակիցների կողմից կարևորվել է նաև այդ աշխատանքներն իրականացնող մարզային ընկերությունների կարողությունների մեծացման նպատակով միջոցառումների ձեռնարկումը»,- ասված է հաղորդագրությունում:
