02.09.2026 | 23:08
31 տեսախցիկ, 48 նոր ավտոմեքենա և ուսումնաարտադրական կենտրոններ․ Սրբուհի Գալյանը ներկայացրել է բարեփոխումները
Զելենսկու հրաժարականի պահանջով հանրագիրը քննարկման համար անհրաժեշտ թվով ստորագրություն է հավաքել
Քաղաքականություն
23.05.2019 | 18:52
Ուկրաինայի նախագահ Վլադիմիր Զելենսկու հրաժականի պահանջով հանրագիրը, որը գրանցվել է նրա կայքում, ավելի քան 25 հազար ստորագրություն է հավաքել: ՌԻԱ Նովոստիի փոխանցմամբ՝ դա բավարար է, որպեսզի պետության ղեկավարը դիտարկի փաստաթուղթը:
Հանրագրի հեղինակը պնդում է, որ երկրի նոր առաջնորդն իրականում «ընտրողների 73%-ի աջակցությունը չի վայելում»: Բացի այդ, ըստ նրա, դերասանը նախագահական ընտրությունների գնացել է՝ որևէ կոնկրետ խոստում չտալով, իսկ նախագահի պաշտոնում նրա առաջին իսկ գործողությունները հիասթափեցրել են ընտրողներին:
Ստորագրահավաքը մեկնարկել է մայիսի 22-ին: Անհրաժեշտ թվով ստորագրություններ հավաքելու համար 90 օր ժամանակ է տրվում, սակայն 25 հազարի շեմը հաղթահարվել է շուրջ մեկ օրվա ընթացքում:
Ավելի վաղ Զելենսկու շտաբի ներկայացուցիչ Դենիս Մոնաստիրսկին հայտարարել էր, որ նախագահը չարձագանքի հանրագրին, երբ բավարար թվով ստորագրություններ հավաքվեն:
