16.12.2025 | 19:13
Հայաստանի Սահմանադրությունը պետք է համապատասխանեցվի նախաստորագրված խաղաղության համաձայնագրին. Ալիևի ներկայացուցիչ
ԱՄՆ-Չինաստան առևտրային պատերազմը վնասում է ԱՄՆ-ին. VOA
Քաղաքականություն
14.05.2019 | 22:01
ԱՄՆ-ի ու Չինաստանի միջեւ առեւտրային հարցերով բանակցությունները Վաշինգտոնում ուրբաթ օրն ավարտվեցին առանց համաձայնության: Դրանից ժամեր առաջ նախագահ Թրամփը 25 տոկոսի սակագներ էր հաստատել Չինաստանի 200 միլիարդ դոլարի համարժեք ներկրումների վրա, գրում է VOA-ն:
«Մենք չենք ուզում վերածվել մի բանկի, որտեղից բոլորը, այդ թվում Չինաստանը, փորձում են գողանալ»-, հայտարարել էր ԱՄՆ-ի նախագահը:
Անցյալ տարի չինական 250 միլիարդ դոլարի համարժեք ներկրումների վրա դրված սակագների, դրան ի պատասխան ամերիկյան 100 միլիարդ դոլարի համարժեք ներկրումների վրա Չինաստանում հաստատված սակագների պատճառով կորուստներ են կրել ամերիկյան մի շարք ընկերություններ: Ինչպես Մեյնի «Լոբսթըր» ընկերության պատասխանատուներն են ասում, անցյալ տարվա համեմատ ընկերությունը գրանցել է վաթսուն տոկոսի անկում:
Հանրապետական սենատոր Ռենդ Փոլն այս առումով իր մտահոգություններն է արտահայտնում, ասելով, թե չի կարելի բանակցությունները վերածել մրցույթի: «Հարկավոր է հնարավորին չափ շուտ ավարտել առեւտրային պատերազմը, հակառակ դեպքում նորից կգնանք դեպի տնտեսական անկում»,- ասել է նա:
Տնտեսական վերլուծաբանների մի մասն այն կարծիքին է, որ այս պայքարի արդյունքում ավելի մեծ կորուստ կկրի ԱՄՆ-ը, քան Չինաստանը:
Նրանցից Ֆիլ Լեվին նշում է, որ չինացիներն աշխարհի մյուս երկրների հետ ավելի ազատ են առեւտուր իրականացնում, իսկ նախագահ Թրամփի ագրեսիվ վարվելակերպն, մեծապես մեկուսացնում է ԱՄՆ-ը: ‘’Նրա դաշնակիցները, որոնք կարող էին ճնշումներ բանեցնել Չինաստանի վրա, հեռու են կանգնում ԱՄՆ-ից’’, ասում է նա:
Սպիտակ տան տնտեսական հարցերով խորհրդական Լարրի Քուդլոունն ընդունում է, որ Չինաստանի ներկրումների վրա դրված սակագների դիմաց վճարելու են Ամերիկայի ներկրողները, այլ ոչ թե Չինաստանը: Սակայն Պեկինի վրա, ըստ նրա, ճնշումներն անհրաժեշտ են, քանի որ վերջինս հետ է կանգնել իր նախկին խոստումները կատարելուց:
Միացյալ Նահանգներն ուզում է, որ Պեկինը հավատարիմ մնա իր տված խոստումներին` դրանք գրանցելով չինական օրենքներում:
