18.10.2026 | 20:00
Եթե ԱԲ-ն որոշի՝ Մարդն ավելորդ է․ Տերմինատորի սցենարը կարո՞ղ է իրականություն դառնալ․ ՏԵՍԱՆՅՈւԹ
Մոսկվան կշարունակի աջակցել Երևանին և Բաքվին՝ ԼՂ հակամարտության կարգավորման փոխզիջումային ուղիներ գտնելու համար
Քաղաքականություն
10.05.2019 | 20:16
Մոսկվան կշարունակի աջակցել Երևանին և Բաքվին՝ ԼՂ հակամարտության կարգավորման փոխզիջումային ուղիներ գտնելու համար: Այս մասին ասվում է հրադադարի մասին Բիշքեկյան արձանագրության ուժի մեջ մտնելու 25-ամյակի կապակցությամբ ՌԴ ԱԳ նախարարության տարածած մեկնաբանությունում:
«Այս տարվա մայիսի 12-ին լրանում է Ադրբեջանի, Հայաստանի և Լեռնային Ղարաբաղի ներկայացուցիչների կողմից կնքված հրադադարի մասին պայմանագրի ուժի մեջ մտնելու 25-ամյակը: Համաձայնությունը ձեռք է բերվել Ռուսաստանի Դաշնության անմիջական միջնորդությամբ: Այն թույլ տվեց դադարեցնել զանգվածային արյունահեղությունը և Լեռնային Ղարաբաղի հակամարտության՝ քաղաքական և դիվանագիտական միջոցներով կարգավորման գործընթաց սկսել»,- ասված է հայտարարությունում:
Դրա համաձայն՝ մայիսի 12-ի համաձայնագիրը մինչև հիմա հրադադարի ռեժիմի պահպանման հիմք է հանդիսանում:
«ԼՂ կարգավորման գործընթացը բարդ է, այն թռիչքներ և անկումներ է ունենում: Ժամանակ և մասնակիցների քաղաքական կամք է անհրաժեշտ՝ կարգավորման առանցքային բաղադրիչների մասով համաձայնության անցնելու համար: Մենք տեսնում ենք կողմերի պատրաստակամությունը՝ շարունակելու համատեղ աշխատանքը՝ ուղղված կայուն խաղաղության հաստատմանը: Մասնավորապես, այդ մասին են վկայում Վիեննայում Հայաստանի և Ադրբեջանի ղեկավարների միջև կայացած հանդիպման և Մոսկվայում ԱԳ նախարարների հանդիպման արդյունքները»,- ասվում է ՌԴ ԱԳՆ մեկնաբանությունում:
Նշվում է նաև, որ Մոսկվան իր կողմից ակտիվորեն կաջակցի Բաքվին և Երևանին՝ փոխզիջումային լուծումներ գտնելու հարցում՝ ԱՄՆ-ի և Ֆրանսիայի հետ համատեղ շարունակելով հետևողական միջնորդական ջանքերը ԵԱՀԿ Մինսկի խմբի համանախագահության շրջանակում:
