18.10.2026 | 20:17
«Մեր նպատակը նոր խոստումներ տալը չէ, այլ ստանձնած պարտավորությունները կատարելը»․ Մաթևոսյան․ ՏԵՍԱՆՅՈւԹ
Դա իրավիճակի ապակայունացում չէ. Նիկոլ Փաշինյանը՝ սահմանում զոհերի մասին. ՏԵՍԱՆՅՈՒԹ
Քաղաքականություն
08.05.2019 | 12:54
Եթե ամենօրյա ռեժիմով կրակոցներ ենք ունենում, նշանակում է՝ մենք պատերազմական, կիսապատերազմական վիճակի մեջ ենք: Այսօր հրավիրված ասուլիսում պատասխանելով սահմանին ադրբեջանական կողմի ակտիվության մասին հարցին՝ ասաց ՀՀ վարչապետ Նիկոլ Փաշինյանը:
«Վերջին երկու ամսվա ընթացքում, այո՛, որոշ լարում է նկատվում, բայց ես ուզում եմ ասել, որ, ընդհանուր առմամբ, կայունությունը և հանդարտությունը պահպանվում է»,- վստահեցրեց վարչապետը:
Նա հիշեցրեց, որ հաղորդակցության ուղիներ են հաստատվել իր և Ադրբեջանի նախագահի միջև: «Եվ հիմա ես այս շրջանում փորձում եմ հասկանալ, թե ինչ է կատարվում: Մենք ինֆորմացիա ենք փոխանակում, մտահոգություններ ենք փոխանակում: Իհարկե՝ ինչպես միշտ կան փոխադարձ մեղադրանքներ, և ես հույս ունեմ, որ մեզ կհաջողվի այս իրավիճակը հասկանալ»,- նշեց վարչապետը:
Ինչ վերաբերում է փորձագետների կարծիքներին, թե Ադրբեջանն ինտենսիվ կերպով պատերազմի է պատրաստվում, Նիկոլ Փաշինյանն ասաց. «Վերջին 25 տարում Ադրբեջանն ինտենսիվ կերպով պատրաստվում է ռազմական գործողությունների: Ոչ մի բան այդ առումով չի փոխվել, և քանի դեռ հարցը կարգավորված չի, չի փոխվելու: Սա նշանակում է, որ այս ինֆորմացիան բոլորս, այդ թվում՝ ես, ՊՆ-ն, գլխավոր շտաբն ի գիտություն ենք ընդունում»:
Մանրամասները՝ տեսանյութում:
Ռոբերտ Անանյան
