12.11.2024 | 23:27
Գրետա Թունբերգը ժամանել է Հայաստան
ԱՄՆ-ն ավիակիրներ է ուղարկել Իրանի ափեր՝ այդպիսով «իրանական ռեժիմին հստակ ազդալ ուղարկելով»
Քաղաքականություն
06.05.2019 | 18:44
ԱՄՆ նախագահի՝ ազգային անվտանգության հարցերով խորհրդական Ջոն Բոլթոնը հայտնել է, որ Վաշինտոնն Իրանի ափեր ավիակիրների խումբ է ուղարկում՝ Abraham Lincoln ավիակրի գլխավորությամբ, ինչպես նաև ռմբակոծիչների օպերատիվ խումբ: Այս մասին գրում է «Կոմերսանտը»:
Բոլթոնը պարզաբանել է, որ Վաշինգտոնն այս քայլն գնում է՝ «իրանական ռեժիմին պարզ և հստակ ազդակ ուղարկելու, որ Միացյալ Նահանգների կամ նրա դաշնակիցների շահերի դեմ ցանկացած հարձակում խիստ ուժի կհանդիպի»:
«ԱՄՆ-ն իրանական ռեժիմի հետ պատերազմի չի ձգտում, բայց մենք լիովին պատրաստ ենք պատասխանել ցանկացած հարձակման… լինի դա հարձակում Իրանի միջնորդների միջոցով, Իսլամական հեղափոխության պահապանների կորպուսը, թե իրանական կանոնավոր ուժերը»,- ասված է Ջոն Բոլթոնի հայտարարությունում:
Ավելի վաղ Վաշինգտոնը Թեհրանին նոր պատժամիջոցներով էր սպառնացել՝ Բուշերի ԱԷԿ-ի ընդլայնման և ուրանի հանքանյութի դիմաց հարստացված ուրանի արտահանման դիմաց:
ԱՄՆ պետքարտուղարությունում նաև ընդգծել են, որ այլևս Իրանին թույլ չեն տա ծանր ջուր պահել, որը Թեհրանն արտադրել է «գոյություն ունեցող սահմանաչափից ավելի»:
