03.04.2026 | 20:36
Հայտնի է Հայաստանի գավաթի կիսաեզրափակիչի խաղացանկը
Թուրքիայի ԱԳՆ-ն ճնշումներ է գործադրում քրդերենի ուսուցումը Ճապոնիայում դադարեցնելու համար
Քաղաքականություն
29.04.2019 | 17:33
Ճապոնիայի մայրաքաղաք Տոկիոյում ապրիլի 1-ից սկսել է քրդերեն դասավանդվել, ինչի կապակցությամբ Թուրքիայի արտգործնախարարությունը մտահոգություն է հայտնել. գրում է ermenihaber-ը:
Տոկիոյի օտար լեզուների համալսարանի քրդերենի դասախոս Վաքքաս Չոլաքը նշել է, որ Թուրքիայի կողմից քրդերենի ուսուցումը դադարեցնելու ուղղությամբ իրականացվող ճնշումները որևէ ազդեցություն չեն ունենա Ճապոնիայի կառավարության համար:
Չոլաքն ասել է. «Այս հարցին ոչ ոք իրավունք չունի միջամտելու: Ճապոնական իշխանությունները նույնպես միջամտելու իրավունք չունեն, քանի որ խնդրո առարկան կրթության ազատությունն է»:
Դասախոսի փոխանցմամբ` թուրքական իշխանությունների այդ նախաձեռնությունը միևնույն ժամանակ նշանակում է միջամտություն` Ճապոնիայի ներքին գործերին, ինչը անթույլատրելի է:
«Հավանաբար Ճապոնիայի արտգործանախարարությունը անհրաժեշտ պաշտոնական արձագանքը տված կլինի Թուրքիայի ԱԳՆ-ին»,- նշել է Չոլաքը:
