16.11.2024 | 22:58
«Մանկական Եվրատեսիլ – 2024»-ում հաղթեց Վրաստանը
Ես ու՞մ ցուցում տամ, որ սահման փակեն․ Վանեցյանը՝ սահմանը հատած նախկին պաշտոնյաների մասին. ՏԵՍԱՆՅՈՒԹ
Քաղաքականություն
26.04.2019 | 13:52
Մեր Սահմանադրությունը մարդուն տվել է ազատ տեղաշարժի իրավունք, մարդուն դրանից զրկելը քրեորեն պատժելի արարք է: Այսօր լրագրողների հետ զրույցում ասաց ԱԱԾ տնօրեն Արթուր Վանեցյանը՝ պատասխանելով լրագրողների հարցին, թե ինչպե՞ս ստացվեց, որ ԴԱՀԿ նախկին ղեկավար Միհրան Պողոսյանը հատեց սահմանն ու հասավ Ռուսաստան:
«Ես ո՞ւմ ցուցում տամ կամ ինձ վրա այդ պատասխանատվությունը վերցնեմ՝ սահման փակեմ, մարդկանց չթողնեմ գնան»,- ասաց Վանեցյանը:
Հարցին՝ մտահոգություն չկա՞, որ այլ գործերով կասկածյալները կարող են հետևել Միհրան Պողոսյանի օրինակին, ԱԱԾ ղեկավարը պատասխանեց. «Իհարկե՝ կարող են»:
Նա նաև հավելեց, որ եթե կա գործընթաց, որը պետք է իրականացվի, ինչից հետո միայն հնարավոր կլինի անձին մեղադրանք առաջադրել և սահմանափակել նրա տեղաշարժը, միայն այդ դեպքում կարող են այդ գործընթացն իրականացնել:
«Եթե այս պահին գիտենք, որ ինչ-որ մեկը ենթադրյալ հանցագործ է, և եթե մենք նախաքննության ընթացքում խախտենք որևէ օրենք, հիմա այն ինտենսիվությամբ, որ ինձ հարցնում եք, և մեղադրանք է հնչում ձեր հարցի մեջ՝ ինչո՞ւ է հատել, նույն ինտենսիվությամբ ինձ հարցնելու եք՝ այս մարդն անմեղ էր, ինչո՞ւ իրեն չթողեցիք Հայաստանը լքի»,- ասաց Արթուր Վանեցյանը:
Մանրամասները՝ տեսանյութում:
Նարեկ Կիրակոսյան
