03.04.2026 | 17:49
Ամերիկյան կործանված ինքնաթիռի օդաչուն, հավանաբար, գերի է վերցվել իրանական ուժերի կողմից
Կոնգրեսական Ֆրենկ Փալոնեն դատապարտել է ապրիլի 24-ին ԱՄՆ-ում Էրդողանի կողմնակիցների բողոքի ցույցերի անցկացումը
Քաղաքականություն
24.04.2019 | 15:04
Ամերիկյան Կոնգրեսի հայկական հարցերով հանձնաժողովի համանախագահ Ֆրենկ Փալոնեն դատապարտել է ԱՄՆ Ազգային պարկերի ծառայության (National Park Service) որոշումը, որով թույլատրում են թուրքերին ապրիլի 24-ին բողոքի ակցիաներ իրականացնել Վաշինգտոնում՝ ոտնահարելով հայկական, հունական ու ասորական ծագում ունեցողների իրավունքը, որով նրանք պահանջում են ճանաչել Հայոց ցեղասպանությունը։ Այս մասին տեղեկանում ենք Ամերիկայի Հայ դատի հանձնախմբի (ANCA) ֆեյսբուքյան էջից:
«Ցնցող է այն փաստը, որ ԱՄՆ Ազգային պարկերի ծառայությունը թուրք-ամերիկյան ազգային կոմիտեին թույլատրում է բողոքի ակցիաներ իրականացնել ապրիլի 24-ին՝ հաշվի առնելով ԱՄՆ-ում բռնության նախկին սադրանքները Էրդողանի կողմնակիցների մասնակցությամբ: Ես կոչ եմ անում անհապաղ չեղարկել այդ թույլտվությունը»,- նշել է կոնգրեսականը Twitter-ում:
Նելլի Մելքոնյան
