18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
Հիլարի Քլինթոնը մտադիր չէ թեկնածությունն առաջադրել 2020թ. նախագահական ընտրություններին
Քաղաքականություն
05.03.2019 | 12:31
ԱՄՆ նախկին պետքարտուղար Հիլարի Քլինթոնը հայտարարել է, որ մտադիր չէ 2020 թվականին առաջադրվել նախագահի պաշտոնում: Այս մասին գրում է ՌԻԱ Նովոստին:
«Ես չեմ առաջադրվելու, բայց կշարունակեմ աշխատել, և խոսել, և պնդել իմ համոզմունքները»,- News 12 հեռուստաալիքին տված հարցազրույցում ասել է Քլինթոնը:
Նա հավելել է, որ չի հավակնում նաև Նյու Յորքի քաղաքապետի կամ նահանգապետի պաշտոններին: Քլինթոնի խոսքով՝ ինքն «օգնում է իր կուսակցությանը, նաև վայելում է գրողի, ակտիվիստի ու տատիկի կյանքը»:
Նշենք, որ 2018 թվականի հոկտեմբերին Հիլարի Քլինթոնը չէր բացառել, որ 2020 թվականի նախագահական ընտրություններին կառաջադրի իր թեկնածությունը: Նա նշել էր, որ պատրաստվում է ամեն ինչ անել, որպեսզի 2021 թվականին Սպիտակ տունը դեմոկրատ ղեկավար ունենա:
Դրանից հետո Հանրապետական կուսակցությունը ներկայացնող գործող նախագահ Դոնալդ Թրամփը հայտարարել էր, որ կցանկանար 2020 թվականի նախագահական ընտրություններում «մրցել Քլինթոնի հետ»:
