18.05.2026 | 15:19
Թրամփի հատուկ դեսպանը ժամանել է Գրենլանդիա՝ մասնակցելու բիզնես համաժողովի
Պարզ չի՞ Սերժ Սարգսյանն ինչի ա մեղավոր․ չփորձեք ինձ ու իրենց դնել նույն հարթության մեջ. ՏԵՍԱՆՅՈՒԹ
Քաղաքականություն
14.02.2019 | 15:27
Մեզ ասում են՝ դուք պատասխանատվությունը քաղաքացու վրա եք դնում, ասում են ամեն մարդ չի կարող բիզնեսով զբաղվել և հենց այստեղ է, որ բախվում են հին ու նոր մտածողությունները։ Այս մասին այսօր Ազգային ժողովում Կառավարության ծրագրի վերաբերյալ իր ամփոփիչ ելույթի ժամանակ ասաց ՀՀ վարչապետ Նիկոլ Փաշինյանը։
«Բիզնեսով, ասում են, կարող են առանձահատուկ մարդիկ զբաղվել, ովքեր ունեն ախպերներ, ախպոր ախպերներ, մաֆիոզ կապեր, քիլերներ։ Սովորական քաղաքացին ինչպե՞ս կարող է բիզնեսով զբաղվել։ Ասում են՝ ամեն քաղաքացի չի՛ կարող ՀԴՄ պահանջել, որովհետև քաղաքացին ո՞վ է, որ ՀԴՄ պահանջի։ Ասում եք՝ այ վարչապետն ու Կառավարությունը կանեն։ Եվ դուք ուզում եք ասել, որ դե՞մ եք սուպերվարչապետական համակարգին։ Երեք օր դուք քարոզում եք, որ այս երկիրը պետք է լինի սուպերվարչապետական․ կլինի վարչապետ ու Կառավարություն ու բոլոր հարցերը կլուծեն՝ մեղրը կարտահանեն, փեթակը տեղից տեղ կտեղափոխեն, կարմրախայտի հարցը կլուծվի»,- նշեց Կառավարության ղեկավարը՝ անդրադառնալով իր կողմից հնչեցված մեկ այլ արտահայտության վերաբերյալ քննադատություններին։
«Ես ասում եմ աղքատությունը գլուխներում է։ Ես սա ասում եմ որպես մի մարդ, որն այդ ամբողջ ճանապարհն անցել է ծայրից ծայր, մի մարդ, որը երբ 1991 թվականին ԵՊՀ-ի ուսանող է դարձել, ընտանիքն ի վիճակի չի եղել վարձավճարը վճարելու, և ես իմ գլխում այդ աղքատությունը հաղթահարել եմ»,- պատմեց Փաշինյանը:
Նիկոլ Փաշինյանը խոսեց նաև իր և նախորդ իշխանության միջև անցկացված համեմատականների մասին։ «Պարզ չի՞, թե Սերժ Սարգսյանն ինչով է մեղավոր․ մեղավոր էր նրանով, որ ասում է այո՛ ամեն մարդ չի կարող բիզնեսով զբաղվել, կգա կկզի, կմուծվի, նոր կկարողանա բիզնես անել, մեղավոր ա նրանով, որ ախպերն ամեն տեղ 50 տոկոս փայ ա էր մտած։ Չփորձեք մյուս անգամ ինձ ու նրանց դնել նույն հարթության վրա, ձեզ ու իրենց դրեք նույն հարթության մեջ»։
Մանրամասները՝ տեսանյութում։
Աղավնի Սուքիասյան
