20.10.2026 | 13:27
Արթուր Ղարիբյանն օգնել է «Ռոդինային» խուսափել պարտությունից. ՏԵՍԱՆՅՈՒԹ
Զելենսկին Ռուբիոյի հետ Starlink-ի և բալիստիկ հրթիռային հարձակումների մասին նախազգուշացումների հարցեր է քննարկել
Քաղաքականություն
20.10.2026 | 12:34
Ուկրաինայի նախագահ Վլադիմիր Զելենսկին ԱՄՆ պետքարտուղար Մարկո Ռուբիոյի հետ քննարկել է Starlink-ի հետ կապված իրավիճակը, բալիստիկ հրթիռների հարձակումների մասին նախազգուշացումները և ՀՕՊ ոլորտում օգնությունը։ Այս մասին Զելենսկին գրել է իր տելեգրամյան ալիքում, հայտնում է «Европейская правда»-ն։
Ուկրաինայի նախագահը նշել է, որ Մարկո Ռուբիոյի հետ զրույցը «կառուցողական» է եղել։
«Շնորհակալ եմ օգնության պատրաստակամության և հստակ դիրքորոշման համար։ Առաջինը՝ բալիստիկ հրթիռները որսալու համար նախատեսված որսիչներն են։ Երկրորդը՝ ռուսական բալիստիկ հրթիռային հարձակումների մասին վաղ նախազգուշացումը։ Երրորդը՝ Starlink/Starshield-ի շուրջ ստեղծված իրավիճակը, որը պետք է կարգավորել և վերականգնել։ Իհարկե, այս ամենը տեղի է ունենում մեր դիվանագիտական ջանքերի ֆոնին, որոնք ուղղված են այս սարսափելի պատերազմին և մարդկանց շարունակական սպանություններին վերջ դնելուն»,- գրել է Զելենսկին։
Զելենսկին և Ռուբիոն պայմանավորվել են, որ մոտ ապագայում կրկին կապ կհաստատեն՝ այս հարցերը քննարկելու համար։
Ավելի վաղ հաղորդվել էր, որ Starshield արբանյակային համակարգի օգտագործումը սահմանափակելու հրահանգը, որն Ուկրաինան կիրառում է ռազմաճակատում կապի ապահովման և անօդաչու թռչող սարքերի կառավարման համար, ստացվել է Սպիտակ տնից։
ԱՄՆ հանրապետական սենատոր Թոմ Թիլիսը հետաքննություն նախաձեռնում Պենտագոնի գործունեության վերաբերյալ՝ կապված Starlink արբանյակային կապի համակարգերի հետ առաջացած խնդիրների հետ, որոնց բախվել են ուկրաինացի զինծառայողները։
Թարգմանությունը՝ Էմմա Չոբանյանի
