01.07.2026 | 18:50
Զելենսկիի թիմը փորձել է Զալուժնիին համոզել՝ չմասնակցել ընտրություններին, սակայն նա հրաժարվել է
ԱԱ. Հունահռոմեական և ազատ ոճի ըմբշամարտի հավաքականների կազմը հայտնի է
10.08.2017 | 13:41
Հայտնի է, թե ինչ կազմերով կմեկնեն ըմբշամարտի աշխարհի առաջնությանը Հայաստանի հունահռոմեական և ազատ ոճի հավաքականները:
Այս մասին հայտնում է ՀԱՕԿ-ի պաշտոնական կայքը:
Հունահռոմեական ըմբշամարտի հավաքականի գլխավոր մարզիչ Լևոն Ջուլֆալակյանը հայտնել է, որ աշխարհի առաջնությանը կմասնակցեն հետևյալ մարզիկները`
Վազգեն Խաչատրյան (59 կգ քաշային կարգ), Կարեն Ասլանյան (66 կգ), Վարշամ Բորանյան (71 կգ), Կարապետ Չալյան (75 կգ), Մաքսիմ Մանուկյան (80 կգ), Արթուր Շահինյան (85 կգ) և Արթուր Ալեքսանյան (98 կգ):
Հայաստանը ներկայացուցիչ չի ունենա միայն գերծանր քաշային կարգում:
Ազատ ոճի ըմբշամարտի Հայաստանի հավաքականի գլխավոր մարզչի ժամանակավոր պաշտոնակատար Հաբեթնակ Կուրղինյանը ևս հրապարակել է աշխարհի առաջնություն մեկնող թիմի կազմը: Տարվա գլխավոր ստուգատեսին կմասնակցի հինգ ազատոճային:
Թիմում ընդգրկվել են Գարիկ Բարսեղյանը (57 կգ քաշային կարգ), Վալոդյա Ֆրանգուլյանը (61 կգ), Գրիգոր Գրիգորյանը (74 կգ), Գեորգի Կետոևը (97 կգ) և Լևան Բերիանիձեն (125 կգ):
Նշենք` աշխարհի առաջնությունը կկայանա օգոստոսի 21-26-ը Փարիզում:
